Charter Document - 00640303
Charter Number: 00640303
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Appropriation, Grant
Date: 1291
Date Type: Internal, A.D.
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Appropriation, Grant
Date: 1291
Date Type: Internal, A.D.
View Map
Charter:
Willelmus Dei gratia ecclesiae Sarum minister humilis dilectis sibi in Christo priori et conventui S Swithini in Wyntona salutem in salutis Auctore Voluntati et precibus domini nostri Edwardi Dei gratia regis Angliae illustris in hac parte satisfacere cupientes licet non absque gravi dispendio nostrae ecclesiae ecclesias de Eneford et Overtone nostrae dioceseos cum earundem capellis et in quibus jus patronatus ad vos pertinere asseritis vobis et successoribus vestris cedentibus vel decedentibus ecclesiarum rectoribus earundem in usus proprios concedimus convertendas de consilio et assensu decani et fratrum seu concanonicorum nostrorum qui tunc temporis fuere praesentes jure episcopali et archidiaconali et jure ecclesiae nostrae in omnibus semper salvo [taxatione etiam vicariarum in posterum facienda juxta quantitatem proventuum annuorum utriusque ecclesiae nobis et successoribus nostris salva Ita tamen quod nec vos nec successores vestri absque auctoritate episcopali requisita pariter et obtenta possessiones ingredi nullatenus praesumatis] In cujus rei testimonium praesentem scripturam sigillo tam nostro quam nostri capituli fecimus consignari Datum in capitulo nostro Sarum viii idus Martii anno Domini mcc nonagesimo canonicis nostrae ecclesiae praesentibus infrascriptis domino Simone [de Micham] decano domino Nicholao Lungespeye thesaurario domino Radulfo [de Brightwell] praecentore magistro Willelmo de la Wyle archidiacono Dorsetiae magistro Willelmo de Abyndone archidiacono Wilt magistro Willelmo de Ripariis magistro Ricardo de Coleshulle domino Johanne [de Middleton] succentore magistro Roberto de Strode domino Willelmo de Cerdestoke poenitentiario
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
