Charter Document - 00641115

Omnibus ad quos presens scriptum pervenerit Adam et Jordanus de Waverleye et de Dereford abbates salutem in Domino Scire volumus universos nos de consensu partium assensu et voluntate scilicet venerabilis patris Ricardi Sarum episcopi et procuratoris capituli ejusdem loci magistri Abraham thesaurarii Sarum es una parte et Johannis Walensis procuratoris abbatis et conventus Malmesbiriensis ex alia ad componendum datorum providisse auctoritate domini pape Honorii tertii qua fungimur quod instrumenta episcopi et capituli Sarum scilicet carta regis Henrici primi et confirmatio domini pape Honorii secundi et si quod aliud habeant speciale instrumentum super subjectione monasterii Malmesbiriensis in ecclesia de Cyrencestre custodienda deponantur Si vero dominus papa hanc provisionem nostram judicialem approbaverit et confirmaverit dicta in strumenta monasterio Malmesbiriensi sine difficultate reddantur Si autem dicta provisio sine confirmatione domini pape stare possit in dicto monasterio perpetuo custodiantur ut si ea aliquo casu a domino papa vel ab alio fuerit irritata dicta instrumenta ecclesia Sarum sine difficultate restituantur Et si forte aliquo casu deperdita fuerint vel consumpta et provisio predicta quod absit irritata vel controversia ex parte abbatis et conventus de Malmesbiri fuerit suscitata tunc eorum exemplata que penes nos retinemus ecclesia Sarum ad sui defensionem vel pro sui juris tuitione libere et sine calumnia recipiat nullo his casibus predictis prejudicio imminente monasterio de Malmesbiri quin manerium de Hyweye et jus patronatus ecclesia de Bremel et carte super eisdem episcopo et ecclesie Sarum confecta dicto monasterio reddantur partibus in hoc convenientibus et nobis id ipsum approbantibus et protestantibus propter casus fortuitos quod predicta exempla sive exemplata signis nostris et aliarum autenticarum per sonarum appensis omnem eandem vim et auctoritatem habitura que ipsa autentica originalia interim penes nos remaneant fideliter custodienda In hujus autem rei testimonium has literas testimoniales confecimus quibus nos una cum partibus et aliis autenticis personis ad majorem securitatem signa nostra apposuimus Et ne ipsa nostra susceptio ex provisione judicum prescriptorum