Charter Document - 00660475

Hec est convencio facta inter priorem et conventum de Thurg[] ex una parte et johannem de Heriz militem ex altera anno gracie millesimo cc quinto die beati Edmundi videlicet quod dicti prior et conventus habebunt singulis annis quinquaginta averia comuniter pascencia in pastura boscorum de Gonalston[] et de Thurg[] sine contradiccione vel molestia aliqua ipsius johannis vel heredum suorum et idem Johannes et heredes sui habebunt singulis annis quater viginti averia comuniter pascencia in predicta pastura boscorum sine contradiccione vel molestia ipsorum prioris et conventus de Thurg[] Et quod prior et conventus habebunt singulis annis continue quinquaginta porcos in dictis boscis sine pannagio et tempore fertilitatis glandis in bosco de Thurg[] habebunt lx porcos sine pannagio comuniter in dictis boscis Dicti vero Johannes et heredes sui habebunt quot voluerint sine pannagio et si alter illorum plura averia in predicta pastura boscorum vel in dictis boscis habuerit illi quorum averia fuerint ipsis priori et conventui et dictis Johanni et heredibus [suis] satisfacient pro tempore quo dicta averia in dicta pastura vel in dictis boscis in dicta pastura vel in dictis boscis habuerint Et sciendum quod si dicti prior et conventus boscum suum assartaverint ex tunc licebit dicto Johanni et heredibus suis claudere boscum suum de Gonalston sine contradiccione prioris et conventus Et prior et conventus carebunt tunc pastura bosci de Gonalston[] et quod occasione istius convencionis non licebit alicui liberorum hominum prioris et conventus vendicare sibi aliquod jus in pastura de Gonalston[] Hanc autem convencionem firmiter et absque dolo inperpetuum observandam prior pro se et successoribus suis et dominus Johannes pro se et heredibus suis affidavit quamdiu boscus prioris scilicet boscus de Southwode non fuerit assartatus Et ad majorem hujus rei securitatem presens scriptum in modum cirograffi confectum est []