Charter Document - 00750613
Charter Number: 00750613
Cartulary Title: Chartulary of the Cistercian Abbey of St. Mary of Sallay in Craven
Charter Language: Latin
Charter Origin: Religious
Charter Type(s): Ordination
Date: 1225
Date Type: Assigned
Resource Link(s): Diplomatics Annotated (brat)
View Map
Cartulary Title: Chartulary of the Cistercian Abbey of St. Mary of Sallay in Craven
Charter Language: Latin
Charter Origin: Religious
Charter Type(s): Ordination
Date: 1225
Date Type: Assigned
Resource Link(s): Diplomatics Annotated (brat)
View Map
Charter:
Omnibus Christi fidelibus ad quos presens scriptum pervenerit Walterus Dei gracia Ebor archiepiscopus Anglie primas salutem in Domino Noverit universitas vestra quod cum contencio diu verteretur inter abbatem et conventum de Sallai ex una parte et Willelmum de Percy et Willelmum Gernun clericum suum ex altera super ecclesia de Tadecastre tandem unanimi omnium ipsorum voluntate et pari consensu commiserunt se ordinacioni nostre omni appelacione et cavillacione remotis literas suas patentes nobis facientes quod ratum haberent quicquid nos de eadem ecclesia inter eos ordinaremus quas quidem literas in thesauraria Ebor de partium consensu deponi fecimus ut ad eas regressum habere possit qui exhibicione earum indiget Nos autem Deum pre oculis habentes ita de predicta ecclesia ordinavimus scilicet quod monachi de Sallai de cetero inperpetuum habeant integre et plenarie omnes decimaciones bladi et leguminis pertinentes ad ecclesiam de Tadecastre ex illa parte aque de Whuerf versus Ebor et unum sellionem et dimidium terre ecclesie de Oxetona Decimaciones vero pertinentes ad altaragium ecclesie quiete remaneant exceptis propriis ovibus et averiis dictorum monachorum qui secundum tenorem privilegiorum suorum immunes erunt a prestacione omnium decimarum tam de terris quas propriis laboribus excolunt quam de omnibus aliis minutis decimis jus vero patronatus ecclesie cum terris et pratis et decimis et cum omnibus aliis pertinenciis exceptis supradictis predicto W de Percy et heredibus suis inperpetuum remanebit quietum salvo W Gernun personatu ecclesie ejusdem sicut preordinatum est in vita sua Ordinamus quod predicti monachi quieti erunt imperpetuum ab omni onere episcopali vel synodali vel archidiaconali et ab omni alia exaccione ita quod occasione dictarum decimatum nullus aliquid exigat ab eis nisi quod in vigilia Assumpcionis beate Marie reddent dicti monachi sine omni cavillacione dicte ecclesie duos cereos trium librarum cere in honore beate Marie virginis et in rememoracione hujus ordinacionis Et ut hec nostra ordinacio perpetue firmitatis robur optineat presenti scripto sigillum nostrum apponi fecimus Hiis testibus Magistris Gaufrido precentore Ebor Godardo penitenciario Ebor Ada de Richemund canonico Ripon []
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
