utl logo
UTL Home | Ethiopia Images | Central and Inner Asia Studies

Charter Document - 00770327

Charter Number: 00770327
Cartulary Title: Great Chartulary of Glastonbury
Charter Language: Latin
Charter Origin: Religious
Charter Type(s): Agreement
Date: 1286
Date Type: Internal, Regnal

map View Map
Charter:
Anno regni regis Edwardi xv mensis Decembr convenit inter Johannem abbatem Glast et eiusdem loci conventum ex parte una et dominam Ceciliam de Bello Campo dominam de Dunden[] unam heredem domini Willelmi de Fortibus ex altera scilicet quod cum predictus abbas peteret a predicta Cecilia servicium x feodorum militum de magnis feodis de manerio suo de Dunden[] membris et appendiciis suis que tenet nomine propartis sue de predicto abbate et monasterio suo Glaston de hereditate predicta eadem Cecilia recognovit pro se et heredibus suis se tenere predictum manerium cum membris et appendiciis suis de predicto abbate et conventu et monasterio suo Glaston pro viij magnis feodis militum tantum Et predicta Cecilia bene vult et concedit pro se et heredibus suis quod predictus abbas et conventus et successores sui appropriare sibi possint in servicio vel in dominico medietatem unius feodi militis in Aysshcot[] de uno feodo militis quod Ricardus de Chelton[] de ea tenuit in eadem villa et alibi quiete absque iure clameo vel demanda dicte Cecilie et heredum suorum in perpetuum et nichilominus ipsa Cecilia et heredes sui teneant predictum manerium de Dunden[] cum membris et appendiciis suis pro viij magnis feodis militum tantum in perpetuum Et predictus Ricardus de Chelton[] et heredes sui de cetero respondeant et intendant eidem Cecilie et heredibus suis de medietate unius feodi militis in Chelton[] et alibi preter Aysshcot[] ut in wardis homagiis releviis scutagiis auxiliis et aliis serviciis inde debitis et consuetis nec propter hoc excludatur predictus abbas et conventus vel successores sui quin possint distringere in predicto dominico feodo sicut in aliis feodis predictis pro releviis auxiliis scutagiis et aliis serviciis si que sibi a retro fuerint de dicta Cecilia vel heredibus suis De alia vero medietate scilicet in Ayshhcot[] eisdem abbati et conventui ac monasterio suo predicto dictus Ricardus et heredes sui de cetero sint respondentes et intendentes ut predictum est tenentes vero manerii de Schepton[] Malet cum membris et appendiciis suis preter predicta octo feoda in Dunden[] eidem abbati et monasterio suo predicto respondeant de servicio duorum magnorum feodorum militum tantum sicut prius consueverunt Nec intelligendum est quod unum feodum militis in Croscumb[] aut alia feoda vel tenementa alibi que dominus Hugo Poynz tenet de hereditate Willelmi Malet de predicto abbate sint de hereditate predicti Willelmi de Fortibus licet quidem Willelmus Malet aliquando ea tenuit ut dicitur et hoc idem predicta Cecilia per presentem scripturam pro se et heredibus suis recognoscens testatur Et sciendum est quod predictus abbas et conventus et successores sui de cetero clamare non possint de predicta Cecilia vel heredibus suis aut etiam participibus suis vel aliis coheredibus suis nisi servicia decem magnorum feodorum militum de tota hereditate predicti Willelmi de Fortibus scilicet de Dunden[] membris et appendiciis suis servicia viij magnorum feodorum militum et de Schepton[] Malet membris et appendiciis suis servicia duorum magnorum feodorum militum In cuius rei testimonium huic scripto in modo cirographi confecto tam predictus abbas et conventus quam predicta Cecilia sigilla sua alternatim apposuerunt Hiis testibus dominis Johanne de Columbariis Humfrido de Kaael Gilberto de Cnouvile Symone de Torny Galfrido de Stawell[] militibus Willelmo Cruket Willelmo de Favelor[] Ricardo Pyk[] Alexandro de la Lynde Willelmo le Border Rogero le Blunt et aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter