Charter Document - 00880027
Charter Number: 00880027
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Quitclaim
Date: 1294
Date Type: Internal, Feast, Regnal
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Quitclaim
Date: 1294
Date Type: Internal, Feast, Regnal
View Map
Charter:
Omnibus Christi fidelibus ad quos presens scriptum pervenerit Willelmus filius Iohannis de Topesfeld salutem in Domino Noveritis me remisisse et omnino quietum clamasse pro me et heredibus meis vel meis assignatis Willelmo filio Petri de Topesfeld et heredibus suis vel suis assignatis totum ius et clamium quod habui vel aliquo modo habere potui in uno mesuagio quinquaginta acris terre tribus acris prati et in triginta sex solidis annui redditus cum omnibus pertinentiis suis in villis de Topesfeld Fynchyngfeld Gelham magna et Hengeham Sibilie Que quidem singula tenementa predicta cum omnibus suis pertinentiis idem Willelmus filius Petri tenet de magistro et fratribus milicie Templi in Anglia unde unam partem predictorum tenementorum petii versus predictum Willelmum in curia domini regis per brevem de ingressu et aliam partem predictorum tenementorum per brevem mortis antecessorum in predicta curia domini regis petii versus eundem Willelmum Preterea remisi et omnino de me et heredibus meis vel meis assignatis quietum clamavi eidem Willelmo et heredibus suis vel suis assignatis totum ius et clamium quod habui vel aliquo modo habere potui in una pecia pasture iacentis in villa de Topesfeld que vocatur Otlondbrok que quidem pastura quondam fuit Nicholai filii Willelmi et in tribus denariis annui redditus quos Hugo sutor debet per annum solvere de una pecia terre iacentis in villa de Topesfeld sicut metis et bundis dividitur una cum homagio dicti Hugonis releviis wardis herrietis excacietis et cum omnibus aliis pertinentiis suis ad dictum redditum spectantibus Ita videlicet quod nec ego predictus Willelmus filius Iohannis nec heredes mei nec mei assignati nec aliquis per me vel pro nobis in predictis tenementis in parte vel in toto aliquid iuris vel clamii de cetero exigere poterimus vel vendicare In cuius rei testimonium huic presenti scripto quiete clamancionis sigillum meum apposui Hiis testibus domino Iohanne de Prayeres Luce Morel Roberto ostage Willelmo filio Galfridi Nicholao de Reddeswell Nicholao filio Willelmi Iohanne le hose Adam le taylur Simone Olivero Hugone [de] Pola Willelmo le boteller et aliis Datum apud Topesfeld die iovis in festo nativitatis sancti Iohannis Baptiste anno regni regis Edwardi filii regis Henrici vicesimo secundo
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
