Charter Document - 00880048
Charter Number: 00880048
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Release
Date: 1262 Circa
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Release
Date: 1262 Circa
Date Type: Assigned
View Map
Charter:
Sciant presentes et futuri quod ego Walterus clericus filius [Walteri carpentarii filii] Henrici molendinarii de Hengeham Sibile concessi dedi remisi et omnino quietum clamavi pro me et heredibus meis Rogero de Otulvesho clerico et heredibus suis vel suis assignatis vii d annui redditus quos idem Rogerus michi annuatim debuit et solvere consuevit de una acra et tribus rodis terre cum pertinentiis iacentibus in parochia de Hengeham Sibile in campo vocato Morfeld sine ullo retenemento vel reclamacione mei vel heredum meorum vel alicuius ex parte nostra in perpetuum ita videlicet quod ego predictus Walterus nec heredes mei nec aliquis ex parte nostra in predictis vii d annui redditus cum omnimodis pertinentiis vel escaetis nullum ius neque clamium exigere vel vendicare de cetero poterimus Et ego predictus Walterus et heredes mei vel mei assignati nichilominus warantizabimus defendemus et acquietabimus totam predictam terram unde predictus redditus pervenerit predicto Rogero et heredibus suis vel suis assignatis contra omnes homines et feminas in perpetuum secundum proportum carte feoffamenti quam predictus Rogerus habet de Waltero carpentario patre meo Pro hac autem concessione donacione remissione et quieta clamancione dedit michi predictus Rogerus dimidiam marcam argenti premanibus In cuius testimonium rei huic presenti scripto sigillum meum apposui Hiis testibus Adam Gravassall Willelmo le Bloy Willelmo le botiler Reginaldo de Selverlege Roberto ostage Iohanne Malepece Stephano Hervy Iohanne filio Alani Petro dungon et aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
