Charter Document - 00880102

Sciant presentes et futuri quod ego Iohannes de Hodyngg[] concessi dedi et hac presenti carta mea confirmavi Sarre de Martuall[] et Isabelle filie sue pro homagiis et suis serviciis totam terram quam habui in villa de Mapeltrestede per cyrographum factum in curia domini regis inter me et Radulphum de Hodyng[] nepotem meum sicut continetur in predicto cirographo quod de me habent cum omnibus pertinentiis suis et aysiamentis suis infra villam et extra scilicet terciam partem duarum carucatarum terre cum pertinentiis et unum alnetum quod vocatur le Redefen[] cum uno vivario et uno molendino sub eodem alneto cum omnibus suis pertinentiis sine aliquo retento excepta parte mea bosci de Hevecho habenda et tenenda eidem Sarre tota vita sua et post finem vite sue Isabelle filie sue et heredibus suis sive assignatis suis et heredibus eorum in perpetuum libere quiete honorifice bene et in pace ut in terris redditibus et aliis serviciis pratis pascuis boscis et in omnibus aliis rebus ad predicta tenementa pertinentibus reddendo inde annuatim michi et heredibus meis totum servicium quod predicta terra debet et insuper unum par cyrothecarum albarum per annum de precio unius oboli vel unum obolum ad Pascha pro omnibus serviciis auxiliis consuetudinibus sectis curie et demandis Et ego Iohannes de Hodyng[] et heredes mei warantizabimus predictis Sarre quam diu vixerit et Isabelle filie sue et heredibus suis vel assignatis eorum totam predictam terram cum omnibus suis pertinentiis excepta parte mea bosci de Hevetho sicut predictum est contra omnes homines et feminas Hiis testibus Hugone de Arderne Iohanne Morell[] Hugone filio Iohannis de Hausted[] Willelmo Scot Galfrido Ruffo Warino pictore Willelmo Fullecoppe Iohanne Waleys Roberto Favell[] Warino clerico Iohanne fabro Willelmo Fraunceys et aliis