Charter Document - 00880121
Charter Number: 00880121
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1275 Circa
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1275 Circa
Date Type: Assigned
View Map
Charter:
Sciant presentes et futuri quod ego Robertus de Herlaue de parva Mapeltrestede dedi et concessi et hac presenti carta mea confirmavi domui et fratribus hospitalis sancti Iohannis Ierusalem septem acras terre cum omnibus pertinentiis suis iacentes in campo qui vocatur Silunesland[] que iacent inter terram dictorum hospitalariorum et terram dicti Roberti de Herlaue habendas et tenendas de me et heredibus meis vel meis assignatis predicte domui et fratribus hospitalis et eorum successoribus libere quiete bene et in pace in perpetuum reddendo inde annuatim michi et heredibus meis predicta domus et fratres hospitalis quatuordecim denarios ad duos anni terminos scilicet ad Pascha septem denarios et ad festum sancti Michaelis septem denarios pro omnibus serviciis sectis curiarum et servicio domini regis et Iudeysmo et omnibus aliis serviciis secularibus consuetudinibus et demandis Pro hac autem donacione concessione et huius presentis carte confirmacione dederunt michi predicti fratres hospitalis quadraginta solidos in gersumam Et ego vero predictus Robertus et heredes mei vel mei assignati predictas septem acras terre cum pertinentiis predicte domui et fratribus hospitalis pro predicto servicio contra omnes homines et feminas warantizabimus acquietabimus et defendemus in perpetuum Et ut hec mea donacio concessio et huius presentis carte confirmacio rate et stabilis permaneat in perpetuum hanc cartam sigilli mei inpressione roboravi Hiis testibus Hugone filio Iohannis Waltero Morell[] Willelmo de Panimere Rogero Franceys[] Hugone Ioye Alano Morand[] Willelmo Ioye et aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
