Charter Document - 00880211
Charter Number: 00880211
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Agreement
Date: 1383
Date Type: Internal, Calendar, Regnal
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Agreement
Date: 1383
Date Type: Internal, Calendar, Regnal
View Map
Charter:
Hec indentura facta inter religiosum virum fratrem Iohannem Radyngton priorem hospitalis sancti Iohannis Ierusalem in Anglia et eiusdem hospitalis confratres ex una parte et Robertum de Muskham et Thomam Sewale ex altera parte testatur quod cum predictus prior et predecessores sui habuerunt et habere consueverunt pro se hominibus et servientibus suis liberam viam seu chaceam suam ad fugandum et refugandum omnimoda averia et animalia sua ac aisiamentum cariandi et recariandi quodcumque summagium de manerio predicti prioris in Mapeltrestede usque manerium suum de Odwell ultra terram manerii de Bigham per quandam semitam que exstendit se de manerio de parva Mapeltrestede usque manerium de Odewell quandocumque sibi placuerit tam equitando quam pedibus ambulando salvando semper dominos ac possessores dicti manerii de Bigham absque dampno in bladis et pasturis suis extra viam et chaceam predictas tempore cariacionis et fugacionis sue per ipsos faciende predicti Robertus et Thomas nunc possessores dicti manerii de Bigham per presentes concesserunt acceptaverunt et approbaverunt statum et possessionem predicti prioris et predecessorum suorum vie seu chacie sue predictarum volunt eciam et concedunt iidem Robertus et Thomas quod predictus prior et successores sui in perpetuum habeant liberam viam seu chaceam suam predictam pro se hominibus et servientibus suis ad fugandum et refugandum eundum et redeundum ac aisiamentum ad cariandum et recariandum tam equitando quam pedibus eundo in forma predicta absque perturbacione aliquali et predicti prior et confratres concedunt pro se et successoribus suis quod si aliquod dampnum per ipsos eveniat prefatis Roberto et Thome heredibus vel assignatis suis extra viam et chaceam predictas ratione vie seu chacee vel aisiamenti predictorum videlicet quoad herbas suas de pascuis vel bladis in predictis terris de Bigham quod predictus prior et successores sui in huiusmodi casu ad plenam satisfactionem dampni faciendam teneantur et per presentes ad hoc compellantur si necesse fuerit In cuius rei testimonium tam sigillum commune hospitalis predicti quam sigilla predicti Roberti et Thome hiis indenturis alternatim sunt appensa Datum London duodecimo die iunii anno regni regis Ricardi secundi post conquestum sexto
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
