Charter Document - 00880251
Charter Number: 00880251
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1277 Circa
Date Type: Assigned
Resource Link(s): Diplomatics Annotated (brat)
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1277 Circa
Date Type: Assigned
Resource Link(s): Diplomatics Annotated (brat)
View Map
Charter:
Sciant presentes et futuri quod ego Ricardus Bercholte dedi concessi et hac presenti carta mea confirmavi Iohanni de Bercholte et Thome filio Ricardi clerici de eodem totum mesuagium meum quod emi de domo hospitalis sancti Iohannis Ierusalem in parochia sancti Nicholai de Colcestr[ia] scilicet illud mesuagium quod iacet inter mesuagium Ricardi Pruet ex una parte versus orientem et vicum qui vocatur Wirstrete ex altera versus occidentem in longitudine et in latitudine inter domum dicti Ricardi de Bercholte quod quondam fuit Iohannis Gerold[] versus austrum et regalem viam versus aquilonem habendum et tenendum dictum tenementum integrum cum domibus et omnibus aliis pertinentiis suis de me et heredibus meis predictis Iohanni et Thome et heredibus dicti Iohannis libere quiete bene et in pace in perpetuum reddendo inde annuatim predicte domui hospitalis apud Mapeltrestede duodecim denarios argenti ad duos anni terminos videlicet ad festum sancti Michaelis sex denarios et ad Pascha sex denarios et ad faciendum dicte domui hospitalis omnia servicia inde debita et consueta sicut carta mea quam habeo de dicta domo plenius testatur ita tamen quod predictus Thomas ad obitum suum solvet dicte domui hospitalis de Mapeltrestede viginti solidos sterlingorum ita quod inposterum nec heredes dicti Thome nec aliquis nomine eorum aliquid iuris vel clamii de dicto tenemento cum pertinentiis suis exigere poterint vel vendicare Et non licebit dicto Thome aliquam partem dicti mesuagii quoquo modo alicui vendere vel alienare preter dicto Iohanni vel heredibus suis set post decessum dicti Thome totum dictum mesuagium cum suis pertinentiis dicto Iohanni et heredibus suis sine aliqua reclamacione integre remanebit et pacifice Et dictus Iohannes ad obitum suum et heredum suorum successive decedencium dicte domui hospitalis solvet duas marcas argenti Et ego predictus Ricardus et heredes mei dictum mesuagium cum suis pertinentiis dictis Iohanni et Thome et heredibus dicti Thome ut predictum est warantizabimus contra omnes homines in perpetuum Pro hac autem donacione concessione warantizacione et huius carte mee confirmacione et sigilli mei impressione dederunt michi Ricardo predicti Iohannes et Thomas decem marcas sterlingorum in gersumam Hiis testibus Ricardo Pruet Iohanne tannatore Ricardo Pritte Simone Lotun Ricardo clerico de Berholte Ricardo de Molendino Roberto le palmere Iohanne clerico et multis aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
