Charter Document - 00880514
Charter Number: 00880514
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant, Quitclaim
Date: 1235 Circa
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant, Quitclaim
Date: 1235 Circa
Date Type: Assigned
View Map
Charter:
Omnibus Christi fidelibus presens scriptum visuris vel audituris Willelmus Brun de Bellocampo salutem in Domino Noverit universitas vestra me concessisse et hoc presenti scripto confirmasse pro salute anime mee et antecessorum meorum Deo et beate Marie et beato Iohanni Baptiste et priori et fratribus hospitalis Ierusalem in Anglia in perpetuam elemosinam quatuor acras et dimidiam terre arabilis cum omnibus suis pertinentiis in parochia de Bumstede Helyun iacentes ex opposito domus Roberti Cristine quas Ricardus le squire de me solebat tenere per servicium duodecim denarios per annum preterea noveritis me concessisse et confirmasse et in toto quietum clamasse dictis priori et fratribus dimidiam acram prati cum suis pertinentiis iacentem iuxta pratum predictorum prioris et fratrum quam dictus Ricardus le squier de me consuevit tenere per servicium unius denarii per annum habendas et tenendas de me et heredibus meis predictis priori et fratribus hospitalis libere et quiete bene et in pace integre imperpetuum reddendo inde annuatim michi et heredibus meis predicti prior et fratres duodecim denarios ad duos anni terminos scilicet ad festum sancti Michaelis sex denarios et ad Pascha sex denarios pro omnibus serviciis consuetudinibus cuiuslibet curie sectis et demandis Et ego predictus Willelmus le Brun et heredes mei propter dictos duodecim denarios annui redditus warantizabimus acquietabimus et defendemus predictas quatuor acras et dimidiam terre arabilis cum omnibus suis pertinentiis et predictam dimidiam acram prati cum suis pertinentiis predictis priori et fratribus hospitalis Ierusalem in Anglia imperpetuum contra omnes gentes In huius rei testimonium presens scriptum sigilli mei inpressione roboravi Hiis testibus Waltero kuffo de Clar[] Iohanne Wyb[er]t[] Ricardo de Goleford[] Willelmo ad pontem de Chare Willelmo filio Iohannis Thoma de London[] Iohanne plum[eri]o Rogero de Fleg[] Simone filio eius Rogero de Bayloll[] et aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
