Charter Document - 00880550
Charter Number: 00880550
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1275 Circa
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1275 Circa
Date Type: Assigned
View Map
Charter:
Sciant presentes et futuri quod ego Willelmus de Glaunvile concessi dedi et hac presenti carta mea confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem apud parvam Mapeltrestede commorantibus et ibidem Deo servientibus pro salute anime mee uxoris mee et puerorum meorum antecessorum et successorum meorum duos solidos annui redditus cum pertinentiis suis in villa de Felstede quos Ricardus Warlemund michi reddere consuevit de quinque acris terre cum edificiis desuper edificatis et omnibus aliis pertinentiis suis quas Walterus Taimd tenet de quibus quinque acris terre unum capud cum edificiis et gardinis abuttat super quandam viam per quam itur versus B[rau]nketre et aliud capud super terram Roberti Kere et iacent adinvicem inter terram dicti Roberti Kere et terram predicti Walteri Taimd in predicta villa de Felstede percipiendos per manum dicti Ricardi Warlemund et heredum suorum ad duos anni terminos videlicet ad Pascha duodecim denarios et ad festum sancti Michaelis duodecim denarios cum homagiis releviis wardis herietis escetis et omnibus aliis suis pertinentiis ad dictum redditum et terram spectantibus habendum et tenendum dictum redditum cum omnibus pertinentiis suis ut predictum est predictis fratribus et eorum successoribus in liberam puram et perpetuam elemosinam libere quiete bene et in pace in feodo et hereditarie imperpetuum Et ego predictus Willelmus de Glaunvile et heredes mei vel mei assignati et eorum heredes warantizabimus acquietabimus et in omnibus defendemus dictum redditum cum homagiis releviis wardis herietis et escetis et omnibus aliis pertinentiis ad dictum redditum et terram spectantibus predictis fratribus et eorum successoribus contra omnes imperpetuum tam Iudeos quam Christianos In huius rei testimonium huic presenti carte mee sigillum meum apposui Hiis testibus domino Waltero de Grauncourt milite Roberto de Enefeld Osberto filio Thome Iohanne de Horstede Waltero vicario de Felstede Galfrido Fraunceys Willelmo fabro Iohanne le botiler Iohanne de Offintene Rogero Fraunceys de Halstede Hugone Ioye et Willelmo de Panimere de Mapeltrestede Hugone clerico et aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
