Charter Document - 00880563
Charter Number: 00880563
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1245 Circa
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1245 Circa
Date Type: Assigned
View Map
Charter:
Sciant presentes et futuri quod ego Ricardus filius Willelmi Middelton[] novi hominis dedi et concessi et hac presenti carta mea confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus pro salute anime mee et omnium antecessorum et successorum meorum vivorum et mortuorum totam illam dimidiam acram terre cum suis pertinentiis quam Ricardus filius Willelmi March[] de me tenuit pro homagio et servicio suo in parochia de Middelton[] in Altunestrate iacentem inter terram meam et mesuagium Willelmi filii Aluredi in latitudine abuttantem super cheminum una cum homagio et omni servicio et omnibus aliis michi et heredibus meis inde spectantibus sine aliquo retenemento habendam et tenendam in liberam puram et perpetuam elemosinam sicut aliqua elemosina liberius et quiecius dari potest domui religionis Et ego predictus Ricardus et heredes mei warantizabimus totam predictam donacionem cum omnibus suis pertinentiis sicut predictum est prefate domui hospitalis et eiusdem domus fratribus contra omnes homines et feminas imperpetuum Hiis testibus Iohanne persona de Middelton[] Gilberto filio Ricardi Ada filio Stephani Petro filio Mathei Hugone filio Ricardi Gilberto filio Walteri Ricardo filio Baldewini Iohanne filio Humfridi Ricardo fratre eius Willelmo de Bumstede et multis aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
