Charter Document - 00880648
Charter Number: 00880648
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1253 - 1256
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1253 - 1256
Date Type: Assigned
View Map
Charter:
Omnibus sancte matris ecclesie filiis presens scriptum visuris vel audituris frater Elias de Smethetune fratrum hospitalis Ierusalem humilis prior in Anglia et fratres salutem in Domino Noverit universitas vestra nos communi assensu et consensu tocius capituli nostri dedisse concessisse et hac presenti carta mea confirmasse Willelmo Cureye pro homagio et servicio [suo] totum mesuagium cum edificiis et duas acras terre et tres rodas prati cum suis pertinentiis quas habemus de dono Gilberti le moyne in villa de Hamstede quarum due acre cum predicto mesuagio iacent in inferiori campo de Hoo ex utraque parte chemini quod vocatur Howeye et predictum pratum iacet in Homade inter pratum dicti Gilberti le moyne habenda et tenenda dicto Willelmo Cureye et heredibus suis de nobis et successoribus nostris libere quiete bene et in pace reddendo inde annuatim nobis et successoribus nostris ille et heredes sui tresdecim denarios ad duos anni terminos scilicet ad festum sancti Michaelis sex denarios et obolum et ad Pascha sex denarios et obolum pro omnibus serviciis consuetudinibus et demandis salvo tamen uno chemino quod vocatur Howeye Gilberto le moyne et heredibus suis ad cariandum et fugandum quandocumque necesse fuerit Et ego predictus frater Elias et successores nostri warantizabimus predictum mesuagium et predictas duas acras terre et tres rodas prati cum suis pertinentiis predicto Willelmo et heredibus suis quamdiu per cartam dicti Gilberti le moyne donatoris nostri ipsam warantizare poterimus ita tamen quod in obitu dicti Willelmi Cureye et heredum suorum tota tercia pars catallorum suorum in feodo nostro inventa soluta et quieta domui nostre remanebit In cuius rei testimonium huic scripto in modum cirographi facto sigillum nostrum apposuimus Hiis testibus frater Theobaldo de Marius fratre Willelmo de Erdlington[] fratre Willelmo de Esseby fratre Roberto de Heccham fratre Willelmo Picot fratre Willelmo de Sywoldby et aliis