Charter Document - 00880755
Charter Number: 00880755
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1230 Circa
Date Type: Assigned
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Grant
Date: 1230 Circa
Date Type: Assigned
View Map
Charter:
Sciant presentes et futuri quod ego Alanus capellanus de Gestingthorpe dedi concessi et hac mea carta confirmavi Simoni de Oddewelle et cuicumque legare dare vel assignare voluerit quindecim acras terre in villa de Gestingthorpe cum omnibus pertinentiis pro homagio et servicio suo et quatuor marcis argenti quas michi dedit in gersumam scilicet quatuor acras et dimidiam cum pertinentiis quas Henricus cuteman[] tenuit de terra que vocatur Scardarlonde quarum due acre iacent ante portam dicti Simonis et due acre iacent inter terram eiusdem Simonis quam habet ex feodo Gilberti de Oddewell[] et molendinum dicti Simonis et dimidia acra iacet inter terras dicti Simonis et abuttat super pratum de Becha[m] et duas acras terre cum pertinentiis que iacent iuxta cheminum quod extendit a domo Gilberti de Oddewelle versus terram que fuit Warini clerici ex parte senistra et tres acras et dimidiam que iacent inter terram que fuit Gilberti filii Willelmi et terram dicti Simonis in Langemere et quinque acras terre cum pertinentiis que iacent in tribus campis qui fuerunt Ricardi Nigri ex feodo Roberti le Baude habendas et tenendas de me et de heredibus meis vel meis assignatis illi et heredibus suis vel suis assignatis et eorum heredibus libere quiete bene in pace et hereditarie reddendo inde annuatim michi et heredibus meis vel meis assignatis ille et heredes sui vel sui assignati sexdecim denarios ad duos terminos scilicet ad Pascha octo denarios et ad festum sancti Michaelis octo denarios et ad scutagium viginti solidorum quinque denarios et ad plus plus et ad minus minus pro omnibus serviciis consuetudinibus et demandis Et ego Alanus et heredes mei vel mei assignati warantizabimus prenominato Simoni de Oddewelle et heredibus suis vel suis assignatis et eorum heredibus totas illas terras prenominatas cum omnibus pertinentiis suis per servicium prenominatum contra omnes homines et feminas Hiis testibus domino Othone filio Willelmi Petro Tresgor Ada filio Willelmi Michaele Crawe Ricardo forestario Rogero filio Galfridi Roberto fraunkeleyn[] Galfrido Ruffo Ordmaro parcario Ricardo Walens[] Willelmo Ioye et aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
