Charter Document - 00880800

Sciant presentes et futuri quod ego Warinus pictor de Mapeltrestede dedi concessi et hac presenti carta mea confirmavi Ricardo de Othulvesho pro homagio et servicio suo unam acram et unam rodam terre cum pertinentiis suis in villa de Gestingthorpe et iacet illa acra in campo qui vocatur parva Troutune inter terram Roberti Curpeyll[] et viam que ducit apud Smalemedwe et abuttat ad unum capud super pratum qui vocatur Smalemedwe et ad aliud capud abuttat super venellam que est inter feodum hospitalis Ierusalem et Troutune et una roda iacet in magna Troutun[] inter terram predicti Roberti Curpeyl et terram Willelmi Hawenild[] et abuttat ad unum capud super viam que ducit de Suthb[er]y apud Hengham habendas et tenendas de me et de heredibus meis predicto Ricardo et heredibus suis vel suis assignatis libere quiete bene et in pace reddendo inde annuatim michi et heredibus meis vel assignatis duos denarios ad duos terminos anni scilicet ad Pascha unum denarium et ad festum sancti Michaelis unum denarium pro omnibus serviciis consuetudinibus et demandis salvo servicio domini regis scilicet ad scutagium cum evenerit unum obolum nec ad plus plus nec ad minus minus Pro hac autem donacione concessione et presentis carte mee confirmacione dedit michi predictus Ricardus unam marcam argenti in gersumam Quare ego Warinus et heredes mei vel assignati warantizabimus et defendemus predictam terram cum pertinentiis prefato Ricardo et heredibus suis vel assignatis per predictum servicium contra omnes homines et omnes feminas imperpetuum Quia volo quod hec mea donacio concessio warantizacio et presentis carte mee confirmacio stabilis et inconcussa perseveret imperpetuum huic scripto sigillum meum apposui Hiis testibus Rogero filio Galfridi Roberto filio Iohannis de Bellocampo Roberto fraunkeleyn[] Roberto de Chelmesho Waltero Morell[] Rogero de Besevile Waltero de Bellocampo clerico et multis aliis