Charter Document - 00880821
Charter Number: 00880821
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Lease
Date: 1297 - 1304
Date Type: Assigned
Resource Link(s): Diplomatics Annotated (brat)
View Map
Cartulary Title: The Cartulary of the Knights of St. John of Jerusalem [London]
Charter Language: Latin
Charter Origin: Religious
Charter Type(s): Lease
Date: 1297 - 1304
Date Type: Assigned
Resource Link(s): Diplomatics Annotated (brat)
View Map
Charter:
Omnibus Christi fidelibus ad quos presentes litere pervenerint Adam Goldston[] salutem in Domino sempiternam Noveritis me remisisse et ad firmam tradidisse Avicie filie Willelmi prepositi et Agneti filie eiusdem Avicie et Felicie filie eiusdem ad terminum vite illarum unum mesuagium cum domibus superedificatis una cum toto gardino iuxta simiterium de Gestingthorpe et duas acras terre iacentes in le Walfeld[] unde unum capud abuttat super terram domini Iohannis de Botecurt et aliud capud super Crepelstrete et iacent in latitudine inter terram Radulphi de Wetherden[] et terram Roberti Gomoy nativi domini et unam rodam terre iacentem in le Cherfeld[] in latitudine inter terram Iuliane filie Nicholai clerici et terram Iohannis Brok habenda et tenenda dictum mesuagium et dictam terram cum pertinentiis de me et heredibus meis vel assignatis dicte Avicie et Agneti et Felicie filie eiusdem usque ad finem vite predictorum libere quiete bene et in pace reddendo inde annuatim michi et heredibus meis sex denarios ad duos anni terminos videlicet ad festum sancti Michaelis tres denarios et ad Pascha tres denarios et faciendo inde capitalibus dominis feodorum omnia servicia de iure debita et consueta pro me et heredibus meis vel assignatis Et post decessum dictarum Avicie et Agnetis et Felicie filie eiusdem totum mesuagium cum pertinentiis et tota terra cum pertinentiis michi et heredibus meis sive assignatis sine alicuius contradiccione calumpnia vel impedimento predicte Avicie et Agnetis et Felicie vel assignatorum suorum plenarie et integre revertantur In cuius rei testimonium presenti carte sigillum meum apposui et transcripto huius carte dicta Avicia sigillum suum apposuit Hiis testibus Galfrido warde Nicholao clerico Willelmo de Leffeldewell[] Thoma warde Waltero Morell[] et multis aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
