Charter Document - 00880843

Omnibus Christi fidelibus hoc scriptum visuris vel audituris Henricus sadeler de Melforde et Alicia uxor eius filia Rogeri Othelesho de Gestingthorpe salutem in Domino Noveritis nos concessisse remisisse relaxasse et omnino de nobis et heredibus nostris imperpetuum quietum clamasse Ricardo Othelesho fratri eiusdem Alicie heredibus et assignatis ipsius Ricardi totum ius nostrum et clameum quecumque habuimus vel quovismodo habere potuimus seu habere poterimus in omnibus illis terris et tenementis cum suis pertinentiis que quondam fuerunt Ricardi Othelesho patris predicti Rogeri in villa de Gestingthorpe ita quod nec nos predicti Henricus et Alicia nec alter nostrum nec heredes nostri nec aliquis per nos seu nomine nostro vel nomine alicuius nostrum aliquid iuris vel clamei in predictis terris et tenementis cum suis pertinentiis nec in parcella inde exigere vel vendicare poterimus in futurum set ab omni accione nostra et iure nostro habitis ibidem simus exclusi imperpetuum per presentes Et nos Henricus et Alicia concedimus pro nobis et heredibus nostris quod nos warantizabimus omnia predicta terras et tenementa cum suis pertinentiis prefato Ricardo filio Rogeri heredibus et assignatis ipsius Ricardi imperpetuum In cuius rei testimonium huic presenti scripto nostro sigilla nostra apposuimus Hiis testibus Galfrido Michael Roberto warner Thoma warde Iohanne clerk Radulpho smyth et aliis datum apud Gestingthorpe decimo octavo die septembris anno regni regis Ricardi secundi post conquestum primo