Charter Document - 00880889

Comperto per quandam inquisicionem captam apud Hengham ad Castrum coram Helmingo Leget escaetore domini regis in comitatu Essex ex officio suo quarto die novembris anno regni regis Henrici quarti post conquestum quarto per sacramentum Willelmi Custe Thome in the Aldres Iohannis Bailly Iohannis turnour Iohannis Wakke Iohannis Prylle Iohannis turnour Roberti Halyday Iohannis Shipmere Iohannis Frensshe Iohannis parker et Iohannis Dagenet quod prior hospitalis sancti Iohannis Ierusalem in Anglia nuper in anno vicesimo secundo domini Ricardi nuper regis Anglie secundi post conquestum intravit in quartam partem unius feodi militis cum pertinentiis in Gestingthorpe et Oddewelle que valet xxv s sine licencia domini regis que quidem quarta pars feodi militis remanebat in manu regis anno precedenti per mortem Willelmi Ufford nuper comitis Suff[olcie] qui illam tenuit die quo obiit sibi et heredibus suis masculis de corpore suo exeuntibus reversione inde pro defectu exitus masculi ad regem et heredes suos spectante qui quidem prior de proficuis quarte partis predicte domino regi pertinentibus est regi responsurus occasione intrusionis predicte eo quod huiusmodi proficua prefato nuper escaetori solvere recusavit que quidem inquisicio est in baga de particulis compoti predicti nuper escaetoris computantis de exitibus eiusdem escaetoris ab octavo die novembris anno tercio regis nunc usque vicesimum nonum diem novembris anno quarto eiusdem domini regis nunc comperto eciam in rotulo de particulis compoti predicti nuper escaetoris in eadem baga existentis quod idem nuper escaetor non respondet in comperto suo predicto de aliquibus exitibus quarte partis predicte eo quod predictus prior in dicto anno vicesimo secundo dictam quartam partem feodi militis intravit sine licencia regia sicut continetur in inquisicione predicta de qua quidem quarta parte idem prior est regi responsurus per quod prefatus prior hospitalis sancti Iohannis Ierusalem in Anglia districtus fuit essendi hic ad plures dies preteritos et tandem in crastino sancti Hillarii hoc termino ad reddendum regi compotum de exitibus quarte partis predicte Et ad predictum crastinum sancti Hilarii predictus prior venit per Thomam Broket attornatum suum Et dicit quod ipse de exitibus quarte partis predicte domino regi in premissis computari non debet quia dicit quod ipse est dominus manerii de Mapeltrestede in dicto comitatu Essex quod quidem manerium est parcella possessionum suarum ad hospitale suum predictum pertinens et quod ipse et omnes predecessores sui priores hospitalis predicti fuerunt inde seisiti ut de iure hospitalis sui predicti et quod ipse et omnes predecessores sui fuerunt et sunt seisiti de quodam mesuagio et una carucata terre cum pertinentiis in Gestningthorpe que quidem mesuagium et carucata terre vocantur Odewell et sunt in dicta villa de Gestningthorpe et fuerunt parcella dicti manerii de Mapeltrestede a tempore cuius contrarii memoria non existit et quod ipse nunc prior et predecessores sui a tempore quo non extat memoria seisiti fuerunt de dictis mesuagio et carucata terre vocatis Odewell ut de parcella dicti manerii de Mapeltrestede absque hoc quod prior hospitalis sancti Iohannis Ierusalem in Anglia intravit aliquo alio modo in aliquam quartam partem unius feodi militis in Gestnyngthorpe et absque hoc quod predictus Willelmus Ufford nuper comes Suff[olcia] aliquid habuit in dictis mesuagio et carucata terre vocatis Odewell in Gestnyngthorpe die quo obiit prout per inquisicionem predictam supponitur Et hoc pretendit verificare qualitercumque curiam [] Unde petit iudicium [] Super quo scrutatis rotulis de temporibus nuper escaetorum regis ante tempus dicti Helmingi nuper escaetoris in comitatu predicto ut sciatur de causa dicte quarte partis unius feodi militis remanere in manu regis compertoque in eisdem quod iidem nuper escaetores ante dictum tempus dicti Helmingi non respondent in compotis suis de aliquibus exitibus dicte quarte partis per tempora compotorum suorum eo quod nullum proficuum de quarta parte predicta per tempora compotorum suorum accidebat quia tenentes eiusdem quarte partis ad tunc superstites extiterunt et dixerunt super sacramenta sua Et remanet super quibus compertis dictum est pro rege quod in anno vicesimo secundo dicti nuper regis tunc prior dicti hospitalis sancti Iohannis Ierusalem in Anglia intravit in quartam partem unius feodi militis in Gestenyngthorpe et Odewell sine licencia regia modo quo per dictam inquisicionem supponitur Et hoc petitur pro rege quod inquiratur per propriam Et predictus nunc prior dicit ut prius dixerat et petit similiter Ideo fiat inde inquisicio Et preseptum est vicecomiti Essex quod veniret facta hic a die Pasche in xv dies decimo octo [] de visu de Gestnyngthorpe quorum quomodolibet [] Per quos [] Et qui nulla affinitate [] Ad recognitionem [] Et idem dies datus est prefato priori ad audiendum et faciendum quod [] Ad quem diem predictus prior venit per dictum attornatum suum et vicecomes non retornavit breve Ideo preseptum est ei sicut alias [] Ita [] a die sancte trinitatis in xv dies Et idem dies datus est prefato priori ad audiendum et faciendum quod [] Ad quem diem predictus prior venit per dictum attornatum suum et vicecomes non retornavit breve Ideo preseptum est ei sicut pluribus [] Ita [] a die sancti Michaelis in xv dies Et idem dies datus est prefato priori ad audiendum et faciendum quod [] Ad quem diem dictus prior venit per dictum attornatum suum et vicecomes non retornavit breve Ideo preseptum ei sicut pluribus [] Ita [] a die sancti Hillarii in xv dies Et idem dies datus est prefato priori ad audiendum et faciendum quod [] Ad quem diem predictus prior venit per dictum attornatum suum et vicecomes non retornavit breve Ideo presentatum est ei sicut pluribus [] Ita [] a die Pasche in xv dies Ad quem diem predictus prior venit per dictum attornatum suum et vicecomes retornavit breve cum panello de nominibus iuratorum et ipsi non venerunt Ideo preseptum est dicto vicecomiti quod distringat prefatos iuratores per terras [] Ita [] a die sancte trinitatis in xv dies Et idem dies datus est prefato priori ad audiendum et faciendum quod [] Ad quem diem predictus prior venit per dictum attornatum suum et vicecomes retornavit breve et mandavit quod predicti iuratores districti sunt et exitum [] et ipsi non venerunt Ideo preseptum est dicto vicecomiti sicut alias quod distringat prefatos iuratores per terras [] Ita [] a die sancti Michaelis in xv dies hic vel interim coram aliquo baronum huius scaccarii in prisia qui prius [] ad certos diem et locum quos [] Et dictum est prefato priori quod expectet diem suum coram prefato barone in prisia si [] et quod sit hic ad predictam quindenam sancti Michaelis ad audiendum iudicium suum Ad quem diem predictus prior venit per dictum attornatum suum Et Iohannes Stav[er]ton unus baronum huius scaccarii retornavit tenorem recordi et processus predictorum indorsatum sic Postea videlicet apud Esterford in comitatu Essex die sabbati in festo sancti Michaelis archangeli anno regni regis Henrici quarti post conquestum nono coram Iohannes Stav[er]ton uno baronum de scaccario domini regis associato sibi Ricardo Baynard per formam statuti [] venit infrascriptus prior per Thomam Gamelyngey attornatum suum Et vicecomes retornavit breve et mandavit quod iuratores in panello brevis huic recordo consueto impanellati districti sunt et exitum [] Et iidem iuratores similiter venerunt facta prius proclamacione pro domino rege prout moris est quod si quis iuratores predictos informare seu pro eodem domino rege calumpniare vellet quod veniret et audietur Et nullus ad hoc faciendum comparavit Super quo processum est ad capcionem inquisicionis predicte per sacramentum Ricardi de Gibelon Iohannis Hatholf Willelmi West Thome tornour Iohannis Attewelle Willelmi Cumbwell Iohannis Skylfull Ricardi Chilterne Iohannis parker Willelmi Kentissh Iohannis Golde et Thome Purdy qui electi triati Et iuratores dicunt super sacramentum suum quod predictus prior nec aliquis predecessorum suorum anno regni infrascripti domini Ricardi nuper regis Anglie secundi vicesimo secundo nec unquam antea nec postea intraverunt nec aliquis eorum intravit in quartam partem unius feodi militis in Gestnyngthorpe et Odewelle quam Willelmus Ufford nuper comes Suff[olcia] tenuit die quo obiit sibi et heredibus suis masculis reversione inde pro defectu exitus masculi ad regem et heredes suos spectante nec aliquid clamant in eadem prout predictus prior inferius in hoc recordo placitando allegavit Et predictus prior petit iudicium suum [] Et visis premissis per barones habita que deliberacione inde inter eosdem dictum est prefato priori hospitalis sancti Iohannis Ierusalem in Anglia quod quo ad reddendum regi compotum de exitibus dicte quarte partis unius feodi milites in Oddewell et Gestingthorpe ut predictum est eat ad presens sine die pretextu premissorum salva semper accione regis si alias loqui voluerit