Charter Document - 00920566
Charter Number: 00920566
Cartulary Title: The Oxford Deeds of Balliol College
Charter Language: Latin
Charter Origin: Religious
Charter Type(s): Confirmation
Date: 1284
Date Type: Internal, A.D., Feast
View Map
Cartulary Title: The Oxford Deeds of Balliol College
Charter Language: Latin
Charter Origin: Religious
Charter Type(s): Confirmation
Date: 1284
Date Type: Internal, A.D., Feast
View Map
Charter:
Uniuersis sancte matris ecclesie filiis ad quos presentes littere peruenerint Oliuerus permissione diuina Lincolniensis episcopus salutem in domino Cum nobilis mulier deoque deuota domina Doruerguilla de Galewythia domina de Balliolo ad honorem et laudem summe et indiuidue Trinitatis gloriosissime virginis Marie genetricis unici filii Dei beate uirginis et martiris Katerine ac tocius curie celestis et ad utilitatem tocius ecclesie militantis et stabilimentum Uniuersitatis Oxonie pro anima nobilis uiri pie recordacionis domini Iohannis de Balliolo quondam sponsi sui et pro animabus omnium predecessorum suorum ac pro salute propria omniumque successorum suorum locum quemdam cum edificiis et omnibus pertinenciis quem domum scolarium de Balliolo censuit nuncupandum in nostra diocese apud Oxoniam ubi viget studium generale de nouo ordinauerit et in subsidium perpetue sustentacionis magistri dicte domus de Balliolo et scolarium eiusdem assignauerit eosque philosophiam audire decreuerit et quousque in artibus cessauerint inibi commorari ex quibus multi moribus et sciencia prediti exeuntes in religionem et alibi magnum fructus cumulum produxerint et adhuc maiorem domino concedente producent locumque predictum seu domum terris possessionibus ac uariis prouentibus in tantum pia deuocione dotauerit atque ditauerit quod studentes inibi in perpetuum congrue poterunt sustentari sitque nostri debitum officii caritatis et pietatis opera comprobare precipue que diuine laudis ampliacionem curie celestis ueneracionem tocius ecclesie militantis exaltacionem ac Uniuersitatis[] predicte fulcimentum respiciunt et honorem nos dicte nobilis domine deuocionem in domino commendantes status dictorum magistri et scolarium locique predicti seu domus perpetuacionem cum terris et possessionibus et rebus aliis eidem domui appropriatis seu appropriandis in posterum ratam habentes et gratam ipsam approbamus et tenore presencium confirmamus eidemque stabilitatis et firmitatis perpetue quantum ad nos pertinet robur plenissimum inpartimur saluis episcopali auctoritate et Lincolniensis ecclesie dignitate In cuius rei testimonium sigillum nostrum presentibus est appensum Dat[] apud Lidingtone Id Iunii anno domini mcc octogesimo quarto
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
