Charter Document - 01010038

Hec est convencio facta inter Hugonem de Nevill filium Johannis de Nevill ex una parte et Vincentium permissione divina priorem ecclesie sancti Andree de Stokes Curcy et monachos ibidem deo servientes ex altera anno regni regis Henrici filii regis Johannis quadragesimo tercio videlicet quod predictus prior ex mera et spontanea voluntate sua et de assensu predictorum monachorum tunc ibidem comorantium et deo servientium dedit concessit et quietum clamavit pro se et successoribus suis ecclesie sue predicte inperpetuum predicto Hugoni et heredibus suis vel suis assignatis quatuordecim acras terre cum pertinenciis suis que se extendunt in longitudine juxta gardinum castri de Stokes et quarum unum capud abutat versus austrum super terram ipsius Hugonis et aliud versus boream super terram predicti prioris sine aliquo retenemento vel reclamacione ipsius prioris vel monachorum vel eorum successorum habend et tenend predictas quatuordecim acras terre cum pertinenciis predicto Hugoni et heredibus suis vel suis assignatis liberas quietas et solutas ab omni servicio et demanda seculari sicut predicti prior et monachi de Stokes illas melius tenuerunt Et pro hac donacione concessione et quietaclamacione predictus Hugo dedit concessit et quietum clamavit pro se et heredibus suis vel suis assignatis predictis priori et monachis de Stokes et eorum successoribus in escambium decem acras terre et dimidiam cum pertinenciis suis in campo qui vocatur Cherleslond et tres acras bosci et unam rodam cum pertinenciis in villa de Stokes que jacent sub Kete wode versus boream que quidem Radulphus de Farendon tenuit de predicto Hugone in villenagio habend et tenend predictas decem acras terre et dimidiam et tres acras bosci et unam rodam cum pertinenciis predictis priori et monachis et successoribus suis ecclesie predicte inperpetuum in puram et perpetuam elemosinam cum omnibus libertatibus et exitibus sicuti uberius et liberius tenuerunt predictas quatuordecim acras terre quas predictus Hugo cepit in escambium de predictis priore et monachis Et predicti prior et monachi bene concedunt pro se et successoribus suis ecclesie predicte sancti Andree de Stokes ex una parte et prefatus Hugo pro se et heredibus et assignatis suis similiter ex altera quod si contingat quod aliqua contencio vel molestia aliquo tempore de predicto excambio infringendo moneatur inter predictos priorem et monachos et predictum Hugonem et heredes suos tunc illa pars per quem steterit []us predictum excambium stabile permaneat alteri parti dabit viginti marcas nomine pene una cum sumptibus et dampnis que habuerit [] predicte convencionis non observate Et ad majorem hujus rei securitatem quelibet pars alterius scripto in modum cyrographi confecto sig [] apposuit Hiis testibus domino Johanne de Alur domino Roberto de Briwes domino Thoma Trevet domino Hugone Fichet w[] Radulpho Russell Willelmo Knapelok Johanne de Heython Ricardo filio Bernardi Willelmo Russel Ricardo de Wythmundeford et al[]