Charter Document - 01041028
Charter Number: 01041028
Cartulary Title: Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire]
Charter Language: Latin
Charter Origin: Religious
Charter Type(s): Grant
Date: 1276
Date Type: Internal, A.D., Feast, Regnal
View Map
Cartulary Title: Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire]
Charter Language: Latin
Charter Origin: Religious
Charter Type(s): Grant
Date: 1276
Date Type: Internal, A.D., Feast, Regnal
View Map
Charter:
Uniuersis sancte matris ecclesie filiis ad quos presens scriptum peruenerit Rogerus Dercy miles salutem in domino Nouerit uniuersitas vestra me pro salute anime mee omniumque antecessorum meorum dedisse concessisse et hac presenti carta mea confirmasse deo et beate Marie et conuentui de Sixilla in puram et perpetuam elemosinam liberam et quietam ab omni seculari seruicio et terrena exaccione totum capitale mesuagium meum cum edificiis suis et cum omnibus aliis toftis meis in villa de Netiltona cum uniuersis libertatibus et pertinenciis suis quod quidem mesuagium iacet inter mesuagium Ricardi Blanchard et mesuagium Johannis le clerk Et totam terram nostram et tenementum cum pratis pascuis et pasturis viis aquis viuariis et cum omnibus redditibus meis releuiis communibus et omnimodis seruiciis et cum singulis aliis libertatibus et pertinenciis sine aliquo retenemento quecumque habui ex cuiuscumque donacione seu concessione in villa et in territorio eiusdem ville de Netiltona quocumque modo videlicet sex bouatas terre arabilis et dimidiam quarum tres bouate terre iacent in campo occidentali et tres bouate terre et dimidia in campo occidentali eiusdem ville de Netiltona et eciam si plus ibi habeatur sine aliquo retenemento ut predictum est Tenendum et habendum dicto conuentui libere quiete et pacifice sicut aliqua elemosina liberius vel melius dari vel teneri potest Ego uero Rogerus et heredes mei vel quicumque terram meam quocumque iure possederint prefatum mesuagium cum omnibus toftis predictis et totam terram et tenementum supradictam cum pratis pascuis pasturis viis aquis viuariis et cum omnibus redditibus meis releuiis consuetudinibus et omnimodis seruiciis et uniuersis aliis libertatibus et pertinentiis suis sine aliquo retenemento ut predictum est prefato conuentui et successoribus suis warantizabimus defendemus et de omnibus rebus contra omnes homines Christianos et Judeos acquietabimus imperpetuum In cuius rei testimonium presenti scripto sigillum apposui Hiis testibus domino Stephano de Lund domino Thoma Darcy fratre meo militibus Rogero clerico de Stalingburgh Ada de Sayntmariland de Caster Thoma de Wikham iuxta Nettiltona Ricardo Blanchard de Nettiltona Johanne le clerk de eadem et aliis Datum apud Nettiltona in vigilia sancti Bartholomei appostoli anno domini millesimo cc septuagesimo sexto Et anno regni regis Edwardi quarto
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
