utl logo
UTL Home | Ethiopia Images | Central and Inner Asia Studies

Charter Document - 01041032

Charter Number: 01041032
Cartulary Title: Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire]
Charter Language: Latin
Charter Origin: Religious
Charter Type(s): Grant
Date: 1154 - 1171
Date Type: Assigned

map View Map
Charter:
Cuntis Christi fidelibus Hugo Malet frater Gilberti Malet salutem Sciatis me dedisse et concessisse et hac presenti carta mea confirmasse deo et conuentui beate Marie de Sixle triangulam terre in territorio de Lindwode que abuttat super Flidwde del west uidelicet tres acras terre cum bosco desuper crescente Concessi eciam eis ut sumant illas tres acras infra fossatum suum et ut illud fossatum diuidat boscum eorum de Flidwde et de Hoberges in duas parte[s] usque in antiquum fossatum de Leggeshow Dedi eciam eis ad illam divissionem faciendum latitudinem viginti pedum largiter de terra mea ubicumque terra mea iuxta iacuerit per circuitum scilicet decem pedes ad fossatum faciendum et decem pedes ad uiam faciendum inter utrumque fossatum ut in occidente et in oriente possint fossare in quadrum in occidente versus austrum usque ad parchum et in oriente versus septentrionem usque ad boscum Roberti de Hodham Confirmaui eciam eis illam triangulam terre arabilis in eodem territorio iuxta le mor apud septentrionem nemoris mei que abuttat super culturam eorum de Flidwde de west plenarie concedendo ut illam terram includant ad prefatam culturam de Flidwde et de Hoberges cum sepe uel fossato prout melius poterunt usque in antiquum fossatum de Legeshowe apud septemtrionem iuxta le more de Leggesby Preterea quietam clamaui eis totam communionem omnimodis in prefatis fossatis cum chemino et in prefata cultura et bosco de Flidwode et Hoberges de me et de heredibus meis et de omnibus hominibus meis imperpetuum Hec omnia warantizabimus eis ego et heredes mei ita libera et quieta sicut aliqua elemosina ecclesie catholice potest confirmari pro eo quod [ad] instanciam meam dederunt de territorio suo illa[m] prenominatam partem nemoris diuisi ad elongandum boscum Hugonis de Baiocis usque ad Liggeshow cum libero exitu super terram eorum apud septentrionem Hiis testibus Petro Malet de Ireby Willelmo clerico de Monte Begonis Waltero Gisors Gilberto Blanchard et Romphar fratre eius Radulfo filio decani et Alano fratre eius Hernis de Neuella Lamberto de Scoteni Willelmo Mustel Roberto de Baiocis Alano de Beseby Thoma de Bekeryng Thoma Malet presbitero Alexandro de Bleseby
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter