Charter Document - 01043002

Cunctis Christi fidelibus tam presentibus quam futuris Thomas Bardolf et sponsa eius Roesia filia Radulfi Halselini et heres salutem Sciatis nos dedisse et hac presenti carta confirmasse sanctimonialibus de Cattheley et fratribus earum clericis et laicis quicquid Radulfus Halselin et heredes sui dederunt vel dimiserunt de feodo nostro predictis monialibus ubicunque per dominium nostrum Videlicet grangiam de Sleigtes cum liberis introitibus et exitibus et unam bouatam terre cum omnibus pertinenciis quam dedit eis Radulfus iunior in extremis cum uno tofto infra villam de Dygby et unam selionem iuxta crucem et cetera omnia sicut carte eorum testantur Confirmauimus etiam quicquid Willelmus filius Walteri de Dygby et Walterus filius eius et heredes sui dederunt vel dimiserunt ipsis monialibus vel fratribus earum videlicet ecclesiam de Dygby cum omnibus pertinenciis et dimidiam bouatam terre cum ceteris terris et pertinenciis sicut carte eorum testantur et quicquid Walterus de Dyryngtona et Johannes filius eius et Robertus frater ipsius Johannis et heres dederunt vel dimiserunt prefatis monialibus vel earum fratribus videlicet unum toftum in Dyryngton et duas bouatas terre et pasturam ducentarum ouium et viginti vaccarum et unius tauri et culturam super Bradmere et terram apud Taylcortdale iuxta fontem cum ceteris terris datis cum ipso Waltero et sponsa sua Alicia et filio suo Johanne et filiabus suis factis monialibus apud Cattheley sicuti carte eorum testantur Concedimus eciam et confirmamus quicquid Radulfus de Amwyk et Rogerus et Thomas de Dygby et Willelmus filius eius et heres et ceteri omnes dederunt de feodo nostro de Dygby et scripto Radulfi Halselini senioris et Radulfi iunioris confirmauerunt Adicimus eciam eis ex parte nostra propria et confirmauimus videlicet les brekkes et viginti sex acras terre in campis de Dygby ex orientali parte predicte ville iuxta les brekkes et quinque bouatas prati in le Westenge et quinque bouatas in le Esteng de Dygby et preter hoc duas bouatas prati in le Esteng occasione terre sue del brekkys Concedimus insuper prefatis monialibus et fratribus earum comunam pasture ouibus et ceteris animalibus suis cuiuscunque generis existant per totum territorium de Dygby in omni tempore anni ad maius commodum et aysiamentum suum sine ulla excepcione vel impedimento ministrorum nostrorum et arenam siue lutum ad fodiendum in le Sleygtmore vel in quocunque vasto territorii de Dygby pro calcietis suis emendandis et aliis suis usibus necessariis tam infra clausuram de Cattheley quam extra quocienscunque et quandocunque voluerint arenam fodere seu lutum et cariare sine aliquo impedimento vel grauamine nostris vel nostrorum qirorumcumque et focale sufficiens ad omnes usus suos et suorum ubicunque in omnibus marescis de Dygby tam turbarum quam arundinis ubicunque voluerint fodere vel falcare ad maius suum commodum et quietem Dedimus etiam licentiam prefatis monialibus ut fratres ipsarum grangiam suam de Sleygtes fossata viginti quatuor pedum in latitudine vel amplius si voluerint circumdare possint et modo securiori quo sciuerint claudere ex omni parte pro dampnis et periculis euitandis Preterea concedimus et confirmamus eisdem monialibus et earum fratribus quicquid Radulfus filius Fulconis eis dedit de feodo nostro videlicet unum toftum et quatuor bovatas terre in territorio de Branxwell quas ego primitus dederam prefato Radulfo in escambium terre sue de Dygby et etiam quicquid Willelmus filius Roberti de Amwyk dedit domui de Cattheley de feodo nostro videlicet totum ius et tenementum quod habuit in decem et nouem bouatis terre cum culturis adiacentibus in Brekkys et septem toftis et dimidio cum seruiciis forinsecis et omnibus pertinenciis in villa et in territorio de Branxwella prout carta ipsius testatur et quicquid aliud prefatis monialibus seu earum fratribus datum fuerit per quoscunque de nostro feodo ibidem Hec autem omnia prenominata ego Thomas et heredes mei pro salute nostra et animabus parentum et antecessorum et heredum nostrorum et specialiter pro anima filii nostri Thome qui sepultus est in capitulo suo eis concedimus et confirmamus et warantizabimus ut puram perpetuam et specialem elemosinam nostram erga regem et dominos et omnes homines fide nostra interposita imperpetuum de omni seculari seruicio et terrena exaccione Hiis testibus Alexandro de Grelli Eudone de Fontibus Galfrido de Aseuilla Willelmo de Longeuilla Radulfo de Nortona Gilberto clerico Rogero Crecy apud Walmesford quando ego Thomas transfretaui de nundinis Staunford videlicet anno millesimo centesimo octogesimo quarto ab incarnacione domini et tricesimo primo anno regni regis Henrici secundi Et ut imposterum memorie futurorum hec commendentur ne per obliuionem vel necligenciam venire contra ius prefatorum canonicorum vel monialium de Cattheley quis valeat hec sigillo nostro curauimus corroborare ad laudem domini nostri Ihesu Christi et pro prosperitate itineris nostri iam deo propicio inchoati