Charter Document - 01043026
Charter Number: 01043026
Cartulary Title: Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire]
Charter Language: Latin
Charter Origin: Religious
Charter Type(s): Grant
Date: 1268
Date Type: Internal, A.D., Feast
View Map
Cartulary Title: Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire]
Charter Language: Latin
Charter Origin: Religious
Charter Type(s): Grant
Date: 1268
Date Type: Internal, A.D., Feast
View Map
Charter:
Omnibus Christi fidelibus ad quos presens scriptum peruenerit Matildis de Mortuo Mari filia domini Willelmi de Benyngurda salutem Noueritis me in libera viduitate ac potestate mea pro salute anime mee et animarum patris et matris mee et omnium antecessorum meorum concessisse dedisse et hac presenti carta mea confirmasse deo et beate Marie et conuentui monialium de Catteley ordinis de Sempyngham in liberam puram et perpetuam elemosinam unum toftum et duas bouatas terre arabilis in villa et territorio de Wlsthorpa cum omnibus suis pertinenciis ad camisas monialium predictarum de Catteley illud scilicet toftum et illas bouatas terre quas Willelmus Lambert aliquando de me tenuit usque ad terminum duodecim annorum Habendum et tenendum dictum toftum et dictas bouatas terre cum omnibus eorum pertinenciis infra villam et extra sine aliquo retinemento de me et heredibus meis predicto conuentui monialium de Catteley et successoribus suis ad camisas earundem sicut prefatum est liberas et quietas ab omni seculari seruicio et terrena exaccione sectis curie et demandis Et ego dicta Matildis de Mortuo Mari et heredes mei omnia et singula prenominata sicut predictum est dicto conuentui monialium de Catteley tanquam specialem elemosinam meam warantizabimus defendemus et de omnibus et in omnibus acquietabimus imperpetuum In cuius rei testimonium presenti scripto sigillum meum apposui Datum apud Newbo die commemoracionis Sancti Pauli apostoli anno domini millesimo CCLXVIII Hiis testibus domino Roberto Cosin de Pykwrda milite Reginaldo de Carletona Johanne de Benyngwortha auunculo dicte domine Matildis Adam Peuerell Roberto Aleheg de Wlsthorp et aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
