utl logo
UTL Home | Ethiopia Images | Central and Inner Asia Studies

Charter Document - 01045001

Charter Number: 01045001
Cartulary Title: Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire]
Charter Language: Latin
Charter Origin: Religious
Charter Type(s): Grant
Date: 1182
Date Type: Internal, A.D.

map View Map
Charter:
Omnibus sancte matris ecclesie filiis tam futuris quam presentibus Johannes filius Petri de Melsa salutem Sciatis me dedisse et hac presenti carta confirmasse in puram et perpetuam elemosinam deo et ecclesie sancte Marie de Aluyngham et sanctimonialibus ibi deo seruientibus et fratribus earum totam mansuram meam in Aluyngham cum mansura ilia quam Tinghi tenuit del west virgulti mei et cum mansura quam Ailwardus tenuit et ipsum meum virgultum et totum demenium meum in Aluyngham et in Cokeryngtona tam in terra arabili quam in pratis et mariscis et pascuis et pasturis et in omnibus ad predictum demenium pertinentibus cum omnibus libertatibus exceptis hominibus meis cum toftis suis et terris ipsorum scilicet decem et octo bouatis et dimidia sicut in illo die tenuerunt quo hanc elemosinam predictis monialibus dedi Hec omnia ego Johannes et heredes mei assensu et concessione patris mei Petri et matris mee Beatricis et ceterorum amicorum meorum fecimus et hanc predictam elemosinam de demenio nostro warentizabimus et acquietabimus eisdem monialibus de omni seruicio et consuetudine et seculari exaccione erga regem et dominos et omnes homines imperpetuum et heredes nostri post nos sicut aliqua elemosina melius et liberius quibuslibet viris religiosis warantizari potest Hanc vero donacionem et confirmacionem factam in anno incarnacionis domini MCLXXXII ego ipse Johannes acquietare et defendere affidaui in manu Jukel de Jerdburgha coram hiis testibus magistro Rodberto de Lekeburna Reginaldo decano de Coueham Gileberto clerico de Beseby Ricardo clerico de Thahewella Folcone Rybalt Rodberto de Ormesby Waltero de Grymesby et Rogero filio eius Radulfo filio Brienni de Weltona Galphrido de Kadyngtona Simone et Thoma fratre eius de Luda Ricardo famulo domini Lamberti de Scotenni et Alano de Malberthorp et Johanne de Aluyngham
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter