Charter Document - 01045019

Omnibus Christi fidelibus tam presentibus quam futuris Thomas filius Ade de Reddenesse salutem Nouerit uniuersitas vestra me concessisse dedisse et hac presenti carta mea confirmasse et de me et heredibus meis imperpetuum quietum clamasse deo et beate Marie et conuentui de Aluyngham in puram et perpetuam elemosinam annuum redditum dimidie libre piperis quem michi reddere solebat ad festum appostolorum Petri et Pauli pro sex acris terre arabilis in Rednesse et sex perticatis de mora Concessi eciam et dedi predicto conuentui eadem sex acras terre arabilis in territorio de Rednesse et easdem sex perticatas de mora cum fundo in latitudine et longitudine quantum mora de Rednesse se extendit et terram subtus moram ad colendum siue ad faciendum inde quodcumque predictus conuentus voluerit videlicet duas acras terre arabilis iacentes iuxta diuisam que est inter Wytegyft et Rednesse et duas acras terre arabilis iacentes iuxta spinetum de Rednesse et duas acras terre arabilis iacentes iuxta Swynflete quas sex acras terre arabilis et quas sex perticatas de mora cum fundo Robertus auus patris mei filius Holdewini dedit Reinero de Waxtunesham pro seruicio dimidie libre piperis quod quidem seruicium dimidie libre piperis prefatus conuentus michi et antecessoribus meis reddere solebat quem redditum sicut prescriptum est tam [pro me quam] pro heredibus meis in puram et perpetuam elemosinam concessi dedi et confirmaui Confirmaui eciam predictp conuentui duodecim perticatas de mora cum fundo in latitudine et longitudine quantum mora de Rednesse se extendit quas habent ex dono Angeri de Rednesse propinquiores prefatis sex perticatis ex parte orientali et unum toftum quatuor perticatarum in latitudine iuxta toftum canonicorum de Thorntona ex parte orientali cum libero introitu et exitu de mora usque ad aquam de Husa et comunem pasturam ad sex animalia in territorio de Rednesse Concessi eciam predicto conuentui correctiones hominum suorum aliquam partem dictarum terrarum vel more tenencium ita quod nec ego nec aliquis heredum vel successorum meorum ab aliquo predictorum pro aliquo delicto vel forisfacto aliquid exigere possimus imperpetuum Et ego Thomas et heredes mei post me predictam terram et moram cum fundo et omnia prenominata cum suis pertinenciis predicto conuentui warantizabimus et defendemus erga dominum regem et omnes alios homines et de omnibus secularibus seruiciis consuetudinibus sectis ad curias et exaccionibus sicut puram et specialem elemosinam nostram acquietabimus imperpetuum Hiis testibus domino Johanne de Husflete Thoma de Huche Willelmo filio Roberti Willelmo de Beilholl Roberto filio Roberti Waltero filio Galfridi et Angero de Rednesse Willelmo de Redburna Johanne filio Willelmi de Cokeryngtona Thoma filio Johannis de eadem villa