Charter Document - 01100332

Omn[ibus] s[anctae] m[ariae] Eccl[esiae] filiis ad quos pr[aesentes] litterae pervenerint Magister Hospitalis Riponiae et Decanus Christianitatis [loci] ejusdem gerentes vices Prioris de Kirkeham et d[omi]ni Hugonis de Roderham Canonici Riponiae judicum a Sede Apostolica deputatorum d[omi]no Roberto Archidiacono Dunelmensi tertio eorum conjudice ad totam causam legitime excusato in causa appellationis interjectae per Abbatem et Conventum de Whiteby ab augmentatione facta vicariae ecclesiae eorum de Crosseby Ravneswarthe Karliol[ensis] dioceseos de lana et agnis per officium Venerabilis patris d[omi]ni r[oberti] Karliol[ensis] Episcopi et Archidiaconi Karliol[ensis] quibus idem Episcopus judex a d[omi]no Papa delegatus commiserat super hoc totaliter vices suas salutem in Domino sempiternam Cum pro appellatione et ejus causa justitia mediante pronuntiaverimus augmentationem praedictam de lana et agnis revocando et eosdem lanas et agnos Abbati et Conv[entui] adjudicantes ac perpetuo nexu sicut prius semper fuerant rectoriae ecclesiae memoratae unientes Vobis omnibus et singulis in virtute obedientiae qua Sedi Apostolicae tenemini firmiter injungendo mandamus quatinus dictam sententiam nostram aut ipsius effectum perturbare impedire aut contraire quocumque modo non praesumatis sub poena majoris excommunicationis quam ex nunc in scriptis fulminamus in omnes illos eorum fautores consiliarios et auctores qui dictam sententiam subvertere perturbare ipsius effectum impedire contraire qualitercunque praesumunt Datum apud Ripon a[nno] d[omini] millesimo cc sexagesimo quarto die Veneris proximo post f[estum] Beati Johannis Beverlaci