utl logo
UTL Home | Ethiopia Images | Central and Inner Asia Studies

Charter Document - 01110106

Charter Number: 01110106
Cartulary Title: The Register of the Priory of St. Bees
Charter Language: Latin
Charter Origin: Religious
Charter Type(s): Agreement, Settlement
Date: 1286
Date Type: Internal, A.D., Feast

map View Map
Charter:
Cum contencio mota esset inter dominum Thomam de Lucy filium quondam Alani de Multon ex una parte et Benedictum priorem sancte Bege in Coupland et monachos ibidem Deo servientes ex altera de hoc quod idem Thomas fecerat unum novum parcum in communa pasture eorundem monachorum infra divisas de Lowswater et viam illorum obst[r]uxerat que ducit de capella de Lowswater ad Dupwath versus Brakanthweit Predicta contencio in hunc modum conquievit die veneris proxima post Invencionem sancte Crucis anno domini millesimo cc octogesimo sexto videlicet quod idem Thomas dictum parcum omnimodo prosterneret ita quod nec ipse Thomas nec heredes sui nec aliquis pro eis seu per eos predictum parcum vel ejus aliquam partem contra voluntatem dictorum monachorum in posterum levarent nec facerent nec fieri permitterent Verumptamen de parco veteri facto per Alanum de Multon patrem dicti Thome nichil curavit sternere Concessit itaque predictus Thomas et remisit et hoc scripto suo confirmavit pro se et heredibus suis in puram et perpetuam [elemosinam] prefatis monachis et eorum successoribus et omnibus hominibus suis habere viam prenotatatam [] linialiter de capella de Lowswater usque ad Dupwath ad carras et carrectas eorum et ad omnia alia necessaria per viam faciend[am] omnibus temporibus anni quod licite et sine contradiccione vel impedimento ejusdem Thome vel heredum suorum vel quorumcumque per eos vel pro eis possint ducere animalia sua cum necesse fuerit de capella de Lowswater usque ad Kirkeheved et ad pasturam suam secundum quod carte predecessorum predicti Thome plenius proporta[n]t et testa[n]tur Salvis racionabilibus emendis de dampnis factis in pratis vel in bladis vicinorum In cujus rei testimonium dictus T pro se et heredibus suis presenti scripto sigillum suum apposuit Hiis testibus dominis Thoma de Curwen Roberto de Haveryngton Ricardo de Flemmyng militibus Johanne de Lucy Roberto de Landplog Ricardo de Cleter Willelmo de Punconby Roberto de Gosford et aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter