utl logo
UTL Home | Ethiopia Images | Central and Inner Asia Studies

Charter Document - 01270172

Charter Number: 01270172
Cartulary Title: The Cartulary of St. Augustines Abbey, Bristol
Charter Language: Latin
Charter Origin: Religious
Charter Type(s): Confirmation
Date: 1248
Date Type: Internal, Feast, Regnal

map View Map
Charter:
Sciant presentes et futuri quod ego Mauricius de Berkel[] pro deo et salute anime mee concessi abbati et conventui Sancti Augustini de Bristoll[] et eorum successoribus in liberam puram et perpetuam elemosinam pro me et heredibus meis inperpetuum quod habeant liberam communam et liberum ingressum et egressum cum averiis suis scilicet viginti quatuor bobus vel averiis et septem suibus et uno verre cum earum exitibus unius anni pro ut in alia carta quam de commune pastura sue in Walmegerston[] habent melius continetur per totam illam terram meam que vocatur Lafridgorst quandocumque exculta non fuerit et cum in terram arrabilem fructus tempore rationabili debito et accepto inde fuerint ammoti vel quandocumque dicta terra inculta fuerit relicta averiis suis liberum habeant ingressum et egressum ut superius est expressum Dicti etiam canonici pro se et successoribus suis dicto Mauricio et heredibus suis concesserunt ad dictam terram de Lafrigorst in agriculturam quandocumque voluerint redigere valeant modo supradicto sine omni contradictione et reclamatione dictorum canonicorum vel aliquorum successorum suorum Preterea ego Mauricius et heredes mei dictos abbatem et conventum et eorum successores de viginti solidis annui redditus versus dominum Ricardum pro terra sua de Bevinton[] solvere consuevit acquietabimus inperpetuum et indempnes conservabimus Et pro hac concessione dicti abbas et conventus unanimi assensu et voluntate remiserunt et quiete clamaverunt inperpetuum pro se et successoribus suis michi et heredibus meis totum illud burgagium cum pertinenciis suis in villa de Berkel[] quod tenuit Jordanus forestarius et totam illam terram quam dedi Ricardi Pinel ante adventum justiciariorum domini regis itinerantium in comitatu Glouc[] post clausum Pasche anno regni regis Henrici filii regis Johannis tricesimo secundo que jacet ex opposito curie sue in Hamme Et totum jus et clamium quod in dicto burgagio et dicta terra habuerunt vel habere poterunt inperpetuum relaxarunt Et ut presens scriptum in modum cyrographi confectum et inter partes divisum perpetue stabilitatis robur obtineat pars utraque eidem scripto huic inde sigilla sua apposuit Hiis t[estibus]
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter