utl logo
UTL Home | Ethiopia Images | Central and Inner Asia Studies

Charter Document - 01340212

Charter:
Omnibus Sanctae Matris Ecclesiae filiis ad quos praesens scriptum pervenerit Ricardus Dei gracia Dunelmensis Episcopus salutem in Domino Cum per mandatum Sanctissimi patris Domini Gregorii Papae Noni Dunelmensis ecclesiae regimen suscepissemus ejusdem Ecclesiae reparationi et reformationi paci et tranquillitati prospicere voluimus igitur cum temporibus Hugonis Philippi Episcoporum Dunelmensium praedecessorum nostrorum et praecipue tempore Ricardi de Marisco Episcopi Dunelmensis praedecessoris nostri multas controversias et graves querelas inter eosdem Episcopos et Priorem et Conventum Dunelmensem frequenter exortas cognovissemus cupientes super eisdem controversiis et querelis certam et stabilem ac honestam pacis formam inter nos et successores nostros et memoratos Priorem et Conventum futuris temporibus duraturam providere tandem habito tractatu cum viris discretis de consensu et voluntate Radulfi Prioris et Capituli nostri Dunelmensis ad honorem Dei dictis controversiis et querelis in forma subscripta finem imposuimus ac super eisdem inter nos ex una parte et dictos Priorem et Capitulum ex altera convenit in hunc modum Videlicet quod concedimus et praesenti carta confirmamus ut monachi Dunelmensis Ecclesiae tam temporibus nostris quam omnium successorum nostrorum liberam semper electionem Prioris habeant petita prius a nobis vel successoribus nostris eligendi licencia et sive fuerit obtenta sive non procedant ad electionem canonicam et quicumque de suo Conventu vel aliunde communi fratrum consilio et eorum propria voluntate Prior canonice fuerit electus praesentabitur Episcopo Dunelmensi qui pro tempore fuerit tanquam patrono et ordinario qui sine difficultate electionem examinabit et si eam canonice factam invenerit confirmabit Prior vero postquam fuerit confirmatus faciet Episcopo et successoribus suis canonicam obedientiam Et cura animarum eidem ab Episcopo commissa sit secundus ab Episcopo scilicet major persona post Episcopum in Episcopatu Dunelmensi in omni dignitate et honore Abbatis nomine Prioris infra Dunelmensem ecclesiam et extra Concedimus eciam et confirmamus pro nobis et successoribus nostris in perpetuum Priori Dunelmensi qui pro tempore fuerit ut habeat stallum in sinistra parte chori sicut Abbas tamen sine baculo pastorali et dexteram Episcopi et facultatem plenariam cum consilio Capituli sui ordinandi Prioratum in interioribus et exterioribus agendis suis tam in terris [] possessionibus suis quam in fructibus ecclesiarum in usus proprios canonice conversarum in ecclesiis vero suis in usus proprios non conversis libere praesentandi clericos Episcopo et statuendi et removendi monachos officiales sicut expedire viderit Volumus eciam pro nobis et successoribus nostris in perpetuum ut nobis vel ipsis absentibus Prior Dunelmensis qui pro tempore fuerit in sinodo de querelis et aliis Christianitatis officiis quae ipse et officialis et Archidiaconi per se facere de jure possunt vices nostras agat cum officiali et Archidiaconis nostris Praeterea professione facta a monachis in praesentia Prioris in Capitulo nos et successores nostri dabimus professis sollempnem benedictionem ad missam repetita iterum professione in praesencia nostra vel successorum nostrorum Concedimus eciam pro nobis et successoribus nostris in perpetuum quod Prior Dunelmensis qui pro tempore fuerit quietus sit in perpetuum de hospiciis et auxiliis Episcoporum [] gravaminibus et vexationibus in ecclesiis in usus proprios conversis tempore confectionis hujus cartae Omnes vero terras Prioris et monachorum Dunelmensium et omnes ecclesias suas in usus proprios conversas vel canonice convertendas concedimus quantum ad nos et successores nostros pertinet quod in sua manu et libera dispositione habeant et teneant in perpetuum ut quantum poterint semper de eis redditus suos secundum Deum augmentent et extendant ita quod nullus post canonicum eorum ingressum quantum ad temporalia se de illis intromittat nisi per consensum ipsorum Prioris et monachorum vel licenciam sed vicarios suos ad illas ecclesias quas canonice possident vel in futurum canonice adquisierint praesentabunt Episcopo Dunelmensi qui pro tempore fuerit qui vicarii ab Episcopo instituti de beneficiis illarum temporalibus videlicet quae dictis Priori et monachis debentur eisdem respondeant nobis vero et successoribus nostris quantum ad ipsos vicarios pertinet de cura animarum intendant De consuetudine vero excommunicandi unde controversia fuit inter Ricardum de Marisco praedecessorem nostrum et dictos Priorem et Conventum de consensu eorundem monachorum ita ordinavimus scilicet quod iidem monachi auctoritate nostra et successorum nostrorum ter in anno in perpetuum accensis candelis et pulsatis campanis sollempniter excommunicabunt in genere omnes illos qui in Episcopatu Dunelmensi scienter prudenter et injuste perturbant vel infringunt jura vel libertates vel possessiones Episcopi et Ecclesiae Dunelmensis Cum autem Episcopus Dunelmensis qui pro tempore fuerit accesserit personaliter tanquam ordinarius non tanquam Abbas ad ecclesiam Dunelmensem visitandam semel in anno vel bis si necesse fuerit sicut Episcopi visitant ecclesias non cathedrales per Angliam in quibus monachi sunt Abbates Deum habens prae oculis diligenter inquirat de statu dictae ecclesiae et quae ibi corrigenda invenerit per consilium Prioris et Conventus ejusdem ecclesiae studeat emendare et ea quae pertinent ad religionis augmentum pacis et karitatis fraternae conservationem per assensum et consilium eorundem formare et firmare verumptamen racione visitacionis factae vel faciendae quia domicilium Episcopi ita vicinum est ecclesiae praedictae procuracionem non exiget nec habebit sed post visitacionem ad propria reddibit Convenit eciam inter nos ex una parte et memoratos Priorem et Conventum Dunelmensem ex altera de placitis corona et de hiis quae ad talia placita spectant in hac forma scilicet quod omnia attachiamenta fient per ballivum nostrum et successorum nostrorum et per visum ballivi Prioris Dunelmensis qui pro tempore fuerit et postea praesentabuntur in curia nostra et successorum nostrorum et si loquela talis sit sive de morte hominis sive de alia re quod inprisonacio fieri debeat secundum legem terrae prisones custodientur in prisona Episcopi donec judicium inde fiat in curia ejusdem Episcopi vel donec replegientur si sint replegiabiles et si forisfecerint quare debeant amittere vitam vel membra execucio judicii fiat per ballivos Episcopi Si autem aliquis liber homo de terra vel de feudo Prioris convincatur de felonia vel nolit stare judicio ita quod debeat terram amittere per feloniam Episcopus tenebit terram illius in manu sua per unum annum et unum diem et de exitibus illius terrae et catallis et wasto felonis vel felonum in omnibus Episcopus habebit unam medietatem et Prior aliam medietatem per manum ballivi Episcopi post annum vero et diem elapsum Prior vel capitalis dominus dicti felonis habebit dictam terram tanquam excaetam suam Et omnia amerciamenta et proficua de placitis coronae proveniencia et de assisis et omnibus aliis placitis quae terminabuntur per judicium vel finem vel concordiam in curia Episcopi de terra vel de feudo Prioris dimidiabuntur sine difficultate et dilatione inter Episcopum et Priorem Ad placita justiciariorum de omnibus placitis venient omnes liberi homines de terra vel de feudo Prioris et de qualibet villa praepositus et quatuor homines et quociens placita justiciariorum de omnibus placitis tenebuntur in Eboracensisire Episcopus tociens faciet ea teneri per ballivos suos in Episcopatu suo Et si homines Episcopi de Norhamsire veniant ad placitandum coram justiciariis apud Dunelm[] homines Prioris de Norhamsire ibi venient et ibi placitabunt in curia Episcopi coram justiciariis sicut praedictum est et si homines Episcopi de Norhamsire placitent coram justiciariis apud Norham homines Prioris de Norhamsire ibi venient et placitabunt coram justiciariis Episcopi sicut praedictum est Et omnia amerciamenta et proficua de hominibus de terra vel de feudo Prioris proveniencia inter Episcopum et Priorem sicut praedictum est dimidiabuntur Et si aliquis devenerit probator in curia Prioris et appellaverit alios de societate statim liberabitur ballivis Episcopi si autem probator in curia Episcopi appellaverit aliquem de hominibus de terra vel de feudo Prioris loquela illa terminabitur in curia Episcopi et quicquid proficui inde pervenerit dimidiabitur sicut praedictum est Et si aliquis de terra vel de feudo Prioris in misericordiam inciderit in curia Episcopi in praesencia ballivorum Episcopi per juramentum duorum liberorum hominum de terra Episcopi et duorum de terra Prioris amerciabitur secundum quantitatem delicti scilicet liber homo salvo continemento suo mercator salva merchandia sua rusticus salvo wannagio suo Convenit eciam inter nos ex una parte et dictos Priorem et Conventum Dunelmensem ex altera de Wrech scilicet quod Wrech de mari ubicumque inventum in terra vel feudo Prioris dimidiabitur inter nos et successores nostros et Priorem Dunelmensem qui pro tempore fuerit Omnes tamen consuetudines navium de aqua de Teysa salvo Priori et monachis passagio batelli sui apud Billingham nobis et successoribus nostris in perpetuum remanebunt sine aliqua contradictione quantum ad dictos Priorem et Conventum Prior autem habebit libere curiam suam cum Soc et Sac et Tol et Them et Infangenetheof et cum omnibus pertinentibus ad eam exceptis placitis coronae et placitis terrae motis per breve Episcopi vel Domini Regis sede vacante salvo in perpetuum Priori et successoribus suis et hominibus eorum qui curiam habent brevi de recto Si quis autem de terra vel de feudo Prioris attachiatus fuerit per ballivos Episcopi pro aliqua re pertinente ad curiam Prioris Prior vel ballivus suus curiam suam exiget et habebit sine contradictione si eam exigat ad horam et terminum Latro vero si captus fuerit in terra Prioris et in curia ejus fuerit judicatus execucio judicii fiet per ballivos Prioris ad furcas Episcopi libere et sine contradictione similiter cum duellum fuerit adjudicatum in curia Prioris vel cum aliquis in eadem judicatus fuerit ad pillorium vel tumberellum execucio judicii fiet per ballivos Prioris libere et sine impedimento ad placeam et pillorium et tumberellum Episcopi Consuetudines vero et emendationes de bracinis et falso pane et falso galone et falso pondere et falsa mensura de hominibus Prioris apud Eluet et apud Veterem Burgum remanebunt monachis Dunelmensibus libere et integre in perpetuum ita tamen quod si homines eorundem inveniantur in burgo Episcopi cum falso pane vel falso galone vel falso pondere vel falsa mensura justicia inde fiet per ballivos Episcopi et si inde proveniat misericordia vel finis vel aliud proficuum dimidiabitur inter Episcopum et Priorem praedicti autem homines de Eluet et de Veteri Burgo utentur eisdem mensuris et ponderibus quibus homines Episcopi utentur in Burgo suo Dunelm[] Praeterea volumus et concedimus quod jus praesentandi ad ecclesias de Houeden Welletone Brentingham Walkintone Siggestone remaneat in perpetuum monachis Dunelmensibus sine contradictione nostra vel successorum nostrorum Custodiae vero et sequestra omnium ecclesiarum quae sunt de donacione dictorum monachorum in Episcopatu Dunelmensi cum vacaverint nobis et successoribus nostris sine aliqua eorundem monachorum contradictione in perpetuum remanebunt Item concedimus et praesenti carta confirmamus Priori et Conventui Dunelmensi ut habeant capellam de Cornale cum omnibus pertinenciis suis spectantem ad matricem ecclesiam de Norham et capellam de Anecroft cum omnibus pertinenciis suis spectantem ad matricem ecclesiam de Insula in proprios usus in perpetuum Similiter praesenti carta confirmamus eis in perpetuum in proprios usus ecclesiam de Daltone cum omnibus pertinenciis suis ad cameram eorundem sicut in carta memorati Ricardi de Marisco praedecessoris nostri quam inde habent plenius continetur salva perpetua vicaria in eadem ecclesia Concedimus eciam eisdem monachis quod habeant in perpetuum liberum aquaeductum per terram nostram scilicet tam per terram quam per aquam sine manifesto dampno nostro vel successorum nostrorum Remanebunt autem integre nobis et successoribus nostris in perpetuum bosci de Brakenholm et de Wdehalle salvo Priori et monachis Dunelmensibus in perpetuum bosco suo de Hemmingburc per rectas divisas suas Reservavimus vero nobis et successoribus nostris in perpetuum forestam nostram ita quod dicti Prior et monachi Dunelmenses non poterunt in ea capere buscam vel meremium nisi ex gratia et licencia nostra et successorum nostrorum vel ballivorum nostrorum Locus autem qui vocatur Landa Dei cum omnibus pertinenciis suis concedimus et confirmamus in perpetuum Sacristariae Dunelmensi sicut illum locum habuit et tenuit frater Ranulfus de dono Hugonis quondam Dunelmensis Episcopi Adhuc concedimus et praesenti carta confirmamus pro nobis et successoribus nostris quod dicti Prior et monachi Dunelmenses habeant et teneant in perpetuum boscum de Heuurthe per has divisas scilicet totum boscum et totam terram cum pastura ex orientali parte de Mereburne desicut currit in Tynam versus mare Et in recompensacionem hujus nostrae concessionis et confirmationis de assensu et voluntate eorundem monachorum locus ille qui dicitur Yreshale cum omnibus pertinenciis suis remanebit in perpetuum in ordinatione nostra et successorum nostrorum ita quod providebimus qualiter elemosina futuris temporibus durabit Similiter locus ille qui vocatur Sateleya cum pertinenciis suis villa de Ruley cum pertinenciis suis salva capella ejusdem villae matrici ecclesiae de Muklingwic nobis et successoribus nostris in perpetuum remanebunt Quare volumus et concedimus et praesenti carta confirmamus pro nobis et successoribus nostris quod praedicti Prior et monachi Dunelmenses habeant et teneant in perpetuum plene et integre libere et pacifice omnia quae eis in forma supradicta concessimus retentis nobis et successoribus nostris in perpetuum plene et integre de consensu et voluntate dictorum Prioris et monachorum omnibus quae nobis et successoribus nostris in forma suprascripta sunt reservata Et ut omnia praemissa perpetuum robur firmitatis optineant praesenti scripto tam sigillum nostrum quam sigillum capituli Dunelmensis est appositum Hiis testibus Dominis Jocelino Bathoniensi et Waltero Karleolensi Episcopis Magistris Willelmo Dunelmensi et Geruasio Karleolensi Archidiaconis Domino Roberto de Lexintone Magistris Helya de Derham Willelmo de Kilkenni Roberto de Ambianis Johanne Forti Valentino Stephano de Burtone clericis Magistro Willelmo de Haya et aliis Et ad majorem hujus rei firmitatem dicti Domini Jocelinus Bathoniensis et Walterus Karleolensis Episcopi praesens scriptum sigillis suis signaverunt
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter