Charter Document - 01440081

Omnibus Christi fidelibus presentes litteras inspecturis vel audituris Walterus Dei gratia Saresbiriensis episcopus salutem in Domino Cum religiosi viri abbas et conventus Malmesburie nostre diocesis a nobis humiliter peterent quod nos auctoritate diocesana decimas quas infra limites quarundam parochiarum nostre diocesis et pensiones seu prestationes annuas quas ipsi et predecessores eorum ab antiquo percipere consueverunt sibi suoque monasterio confirmaremus bona fide pretendentes quod instrumenta que aliquando super predictis decimis pensionibus seu prestationibus habuerunt quedam vetustate consumpta et quedam per incendium quod monasterio suo casu fortuito contigisse notorium est penitus fuerant destructa exceptis dumtaxat quibusdam Sedis Apostolice privilegiis que inspeximus in quibus decimas et pensiones seu prestationes hujusmodi expressis locorum nominibus distincte et aperte vidimus contineri nos attendentes predictorum abbatis et conventus devotionem quam erga ecclesiam nostram Sarum a multis retro temporibus gessisse [et] adhuc gerere dinoscuntur eorum justis petitionibus inclinati super predictis decimis pensionibus seu prestationibus quas in nostra diocesi a quibusdam ecclesiis et infra limites quarundam parrochiarum percipere consueverunt diligentem in forma juris fieri fecimus inquisitionem per quam dilucide certiorati invenimus ipsos abbatem et conventum ac eorum predecessores nomine monasterii sui de Malmesburia pacifice et inconcusse possedisse ab antiquo et longissima prescriptione legitime prescripsisse decimas et pensiones seu prestationes quas sibi a nobis petebant confirmari Cum igitur nobis legitime constaret predictas decimas et pensiones seu prestationes ad predictos abbatem et conventum et suum monasterium Malmesburie pertinere ac ipsos super hiis munitos esse prescriptione legittima et longissima de decani et capituli nostri Sarum voluntate et consensu decimas ipsas et pensiones seu prestationes predictis abbati et conventui et eorum successoribus ac monasterio suo Malmesburie auctoritate diocesana confirmamus quas decimas et pensiones seu prestationes annuas presentibus litteris propriis duximus vocabulis exprimendas videlicet de vicario ecclesie Sancti Pauli Malmesburie de annua pensione sex marcas de ecclesia beate Marie ejusdem ville quinque marcas de ecclesia de Minti duas marcas de ecclesia de Brinkewrthe unam marcam de ecclesia de Garsdone decem solidos de ecclesia de Nywentone octo solidos de ecclesia de Peritone quatuor marcas de ecclesia de Bachamptone octo solidos et de ecclesia de Comptons quatuor solidos Item decimas de dominico Walteri Dunstanvile et Thome le Frankelein in parochia de Culerna decimas villanorum camerarii de Malmesburia in parochia de Wettone decimas de dominicis Britonum et Henrici Hoese in parochia de Niwentone decimas de dominico predicti domini Ade in parochia de Peritone et decimas Willelmi Frankelein de Brocktone In quorum testimonium tam nos quam decanus et capitulum Sarum supradicti presentibus litteris patentibus sigilla nostra apponi fecimus Salva in omnibus diocesana auctoritate nostra et successorum nostorum ac ecclesie nostre Sarum dignitate ita quod in nullo privilegiis dictorum abbatis et conventus derogetur Datum apud Remmesburiam xiiii kl Novembris anno Domini MCC sexagesimo quinto