utl logo
UTL Home | Ethiopia Images | Central and Inner Asia Studies

Charter Document - 01470130

Charter Number: 01470130
Cartulary Title: Durham Annals and Documents of the Thirteenth Century
Charter Language: Latin
Charter Origin: Religious
Charter Type(s): Submission
Date: 1265
Date Type: Internal, A.D., Calendar
Resource Link(s): British Library - Stowe MS 930 (f66r)
map View Map
Charter:
Viris venerabilibus et discretis dominis Willelmo decano et capitulo Eboracensis ecclesie sui deuoti Hugo prior et conuentus ecclesie Dunelmensis salutem cum omni reuerencia et honore Affectantes in ecclesia de Houedena ad nostrum patronatum spectante et in qua nos prior iuribus archidiaconalibus hactenus vsi sumus cuius parochia adeo est diffusa et prouentuum redditus abundantes quod ad plurium sustentacionem suppetant facultates cultum diuini numinis adaugeri et animarum saluti salubrius prouideri vobis dominis Hugoni precentori Raynero et Simoni Ebor et Richemund archidiaconis vt in ipsa ecclesia de Houedena inspecta gracia nobis facta per sedem apostolicam de eadem ordinetis statuatis distinguatis et taxatis prebendas auctoritate capituli et consensu prout ad honorem dei et curam animarum uideritis expedire liberam tenore presencium concedimus facultatem in hiis et circa ea nos ordinacioni vestre totaliter et libere submittentes iuribus libertatibus antiquis nostris consuetudinibus vniuersis et iure patronatus que et quas habuimus in ipsa ecclesia et habemus in eisdem prebendis cum ordinate fuerint et taxate quocie[nscunque] eas vacare contigerit procuracione dumtaxat excepta nobis nostrisque successoribus semper saluis Et [diligencius] protestamur quod a predicta gracia nobis facta nolumus per premissum nostrum consensum concessionem seu subm[issionem] aliqua racione recedere vel quod nobis aliquod preiudicium generetur si ordinacio non processerit antedicta vel forte proc[edens] effectum sortita non fuerit Presentibus post proximo futuras kalendas Maii nisi citra eas ordinacio vestra super h[iis] in forma premissa irrefragabiliter processerit minime valituris In huius rei testimonium sigilla nostra presentibus sunt appensa Dat Dunelmi quinto decimo Kal Maii anno gracie MCC sexagesimo quinto
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter