utl logo
UTL Home | Ethiopia Images | Central and Inner Asia Studies

Charter Document - 01510072

Charter Number: 01510072
Cartulary Title: Lincoln 1067-1185 Volume 1
Charter Language: Latin
Charter Origin: Religious
Charter Type(s): Confirmation
Date: 1148 - 1166
Date Type: Assigned

map View Map
Charter:
Robertus dei gratia Lincolniensis episcopus universis sancte matris ecclesie filiis tam presentibus quam futuris salutem Cum pie desiderium voluntatis et amplectende devotionis intentio episcopalibus sit semper studiis promovenda cura est solicitudinis adhibenda ut ea que pro quiete religionis conversationis fuerint ordinata nec dissimulatio necgligere nec quedam valeat presumptio perturbare Eapropter dilecto filio nostro W abbati et successoribus suis abbatibus de Bard et monasterio sancti Oswaldi et monachis ibidem deo mancipatis quecumque bona quascumque possessiones in terris cultis vel incultis in hominibus in ecclesiis in decimis et in ceteris rebus canonice possident et autentica scripta habent vel opitulatione divina ex largitione fidelium decetero adipisci rationabilibus modis poterunt auctoritate episcopali confirmarnus et presentis scripti patrocinio communimus Et ne quid desit quod processu temporis nostre possit obviare tuitioni quo minus in posterum validum perpetuumque robur firmitatis inviolabiliter optineat si quid forte incuria vel imperitia auctoritatibus nostris minus firmitatis interitum est vires plenissime munitionis ex hac nostra auctoritate suscipiat ne ea que religioso studio canonice collata sunt quocumque tempore quicquam dubietatis inquirant Quecumque ergo Gilbertus de Gaunt primus et A de Munfort sponsa eius reparatores prefati monasterii Walterus de Gaunt et comes Gilbertus necnon et homines feudi eorum pro salute animarum suarum titulo donationis in elemosina predicto monasterio contulerunt sicut carte eorum testantur libera et absoluta ab omni prestatione et terreno servitio inperpetuum fore decernimus Similiter vero quecumque comes Simon qui inpresentiarum tenementum prenominatorum virorum possidet dederit confirmaverit seu pactus fuerit sicut munitionis eius scriptura fidem facit sine ulla refragatione in omne tempus rata et illibata fore deputamus Hec sunt nomina possessionum collatarum Bard et Osgotebi cum pertinentiis suis in Steping habent prescripti monachi iiii carucatas terre et duas bovatas et ecclesiam eiusdem ville cum pertinentiis suis et ecclesiam de Frisebi in Schendelbi ecclesiam sancti Petri cum terris et decimis suis et ad austrum eiusdem ville capellam sancti Iacobi cum virgulto proximo et duo molendina eiusdem ville et terram Toli et servitium eius et terram Gunnes cum servitio eius in Partenay ecclesiam sancti Nicholai cum suis pertinentiis et capellam sancte Marie in eadem villa et decimam molendini eiusdem ville in Braitoft decimam domini Simonis filii Willelmi in Croft ex dono Philippi de Kyma xx sectaria salis ex redditibus eiusdem ville ex dono Galfridi de Braitoft x acras prati in territorio de Frisebi ex dono Herberti filii Alardi xii acras prati ultra Scalflet ex dono Radulfi filii Gilberti pro anima Hugonis fratris sui terram quam tenuit in Frisebi et quam habuit in Ingaldesmeles et Derfletescroft in Weinflet unam bovatam cum salinis et appendentibus in Haltona ex dono Willelmi de Romara quinque bovatas terre et decim et molendinum et nonam partem alterius in Hagwordingham ex dono Walteri de Gaunt sex bovatas terre quas tenuit de feudo Cestrensis comitis et ecclesiam eiusdem ex dono comitis Gilberti feudum militis quod habuit in eadem villa in Luceby duas bovatas terre et ecclesiam eiusdem ville cum pertinentiis suis et unam mansuram et unum molendinum in territorio eiusdem ville et unam bovatam in Wincebi et Touneccoft iuxta Lime ex dono Rannulfi comitis Cestrensis molendinum de Braidewad et unam marcam argenti de redditu molendini de Bracebrig molendinum de Strattona Edlingtona cum universis pertinentiis suis ex dono comitis Gilberti tertiam partem Baumburg et molendinum eiusdem ville ecclesiam de Sotteby cum terris et decimis suis ecclesiam sancti Hilarii de Spridelingtona cum decimis suis in Burtona iii carucatas terre in Stantona ecclesiam cum terris et decimis suis ex dono Roberti Marmiun Buteyate cum pertinentiis suis in Bartona ecclesiam cum pertinentiis suis et decimam molendinorum eiusdem ville et ex dono comitis Gilberti unam bovatam pro anima Seer de Arcels et ad austrum eiusdem ville terram dedit monachis in excambio in Horkestou decimam dominii in Holm totam decimam dominii in Torp totam decimam dominii in Edelesberg ecclesiam cum pertinentiis suis et decimam de dominio in Hekingtona ecclesiam cum pertinentiis suis in Folkingham cum terris et decimis suis in Hale ecclesiam cum pertinentiis suis et decimam de dominio in Hekingtona ecclesiam cum pertinentiis suis et decimam de dominio in Aswardebi duas partes decime dominii similiter in Wilegbi duas partes decime dominii in Stauntona ecclesiam cum pertinentiis suis et totam decimam dominii in Surray totam terram que fuit Ivonis filii Schaidman cum esarto suo et esartum Willelmi filii Haconis in territorio eiusdem ville et esartum Willelmi Bigot cum terra Gippolf in eadem villa in Suttona dimidiam carucatam terre cum pasturis et pratis adiacentibus et prato in territorio de Hotoft in Strubbi duas bovatas et dimidiam in Wdetorp unam bovatam et Thuatt cum terra appendente et molendinum de Wierne Hertesholm cum terris et redditibus suis ecclesiam de Bultham cum appenditiis suis in Bracebrige ex dono Willelmi filii Walteri Winterhard unam bovatam terre Prenominata itaque omnia cum libertatibus et consuetudinibus et immunitatibus suis sicut munimenta eorum testantur sub protectione nostra suscipimus tuitionem ecclesiasticam impendentes salva Lincolniensi ecclesie canonica iustitia et debita in omnibus obedientia Test Willelmo Clem capellano magistro Malgero magistro Petro Rogero filio Willelmi Radulfo medico []
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter