Charter Document - 01510139
Charter Number: 01510139
Cartulary Title: Lincoln 1067-1185 Volume 1
Charter Language: Latin
Charter Origin: Religious
Charter Type(s): Confirmation
Date: 1155 - 1158
Date Type: Assigned
View Map
Cartulary Title: Lincoln 1067-1185 Volume 1
Charter Language: Latin
Charter Origin: Religious
Charter Type(s): Confirmation
Date: 1155 - 1158
Date Type: Assigned
View Map
Charter:
R dei gratia Lincoliensis episcopus universis catholice ecclesie filiis salutem et dei benediccionem Que in luce facta sunt dei fidelibus nota fieri nequaquam est formidandum Ea propter universitati omnium dignum duximus innotescere per presentes nos pro nobis et successoribus nostris unanimi voluntate et communi assensu capituli nostri concessisse et confirmasse deo et beate Marie et dilectis nostris monachis de Kyrkested in liberam puram et perpetuam elemosinam quicquid habent de feodo nostro et ecclesie in villa et in teritorio de Norhtstreton ex dono Iohannis de Nevil et antecessorum eius et quicquid habent ex dono et concessione Hugonis de Merla et antecessorum eius in villa et in teritorio de Sunetorp et quicquid habent de feodo nostro in villa et in teritorio de Dunham et eciam quicquid habent ex dono et feofamento aliorum hominum quorumcumque et ubicumque de feodo nostro et ecclesie nostre tenencium habenda et tenenda omnia predicta cum omnibus pertinenciis suis dictis monachis et eorum successoribus libere quiete bene et pacifice ita quod nec nos nec successores nostri nec ballivi successorum nostrorum pro tenementis que dicti monachi de feodo nostro et ecclesie nostre habent aliquod homagium scutagium auxilium fidelitatem ius servicium vel clameum exigere poterimus de eidem in perpetuum sed teneant omnia predicta absque omni seculari servicio consuetudine et demanda sicut aliqua elemosina liberius et quiecius teneri potest vel haberi Huius rei testes sunt Humfridus subdecanus Willelmus filius Osberti archidiaconus Rogerus de Ameri precintor Martinus tesaurarius Rogerus parvus magister Petrus magister Malger et multi alii
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
