utl logo
UTL Home | Ethiopia Images | Central and Inner Asia Studies

Charter Document - 01510183

Charter Number: 01510183
Cartulary Title: Lincoln 1067-1185 Volume 1
Charter Language: Latin
Charter Origin: Religious
Charter Type(s): Confirmation
Date: 1150 - 1161
Date Type: Assigned

map View Map
Charter:
Omnibus fidelibus ad quos presens scriptum pervenerit R dei gratia Lincolniensis episcopus eternam in domino salutem Ad universitatis vestrae volumus pervenire notitiam nos divinae pietatis intuitu concessisse monasterio sancte Mariae de Neuport et monachis de Maiori Monasterio ibidem deo servientibus ecclesias suas et capellas videlicet ecclesiam de Neuport et capellam de Linford cum omnibus pertinentiis suis et capellam de Parva Crauleia cum omnibus pertinentiis suis et ecclesiam de Chicheleia cum omnibus pertinentiis suis et capellam et ecclesiam de Botendone cum omnibus pertinentiis suis et capellam et ecclesiam de Estwode cum omnibus pertinentiis suis et ecclesiam de Bernakes cum omnibus pertinentiis suis quas Fulcodius Paganellus et Radulfus eius filius et Gervasius filius Radulfi eis canonice contulerunt preterea ecclesiam de Srinton cum omnibus pertinentiis suis ex dono Willelmi de Srinton domini fundi et capellam de Bradewelle cum omnibus pertinentiis suis ex dono Roberti Bradewelle et Willelmi de Bavis dominorum fundi et ecclesiam de Wilinges cum omnibus pertinentiis suis ex dono Philippi de Cahaines domini fundi et capellam de Petresho cum pertinentiis suis ex dono Osberti dapiferi et Michaelis eius filii dominorum fundi et medietatem ecclesie de Magna Craule cum pertinentiis suis ecclesiam de Brouthone cum omnibus pertinentiis suis ex dono Roberti de Brouthone et Willelmi eius filii dominorum fundi et omnes homines et terras et silvas quas Radulfus Mansellus et uxor eius Cecilia et heredes eorum pro deo monasterio de Neuport in eleemosynam dederunt ex dono eorundem et decimam Walteri Manselli de dominio suo de Suleburi ex dono eiusdem in Suleburi et duas partes decimae de dominio Roberti de Castertone ex dono eiusdem in Castertone et duas partes decimae de dominio Radulfi de Bernakes ex dono eiusdem in Bernakes et decimam de duabus virgatis terre in Luketona ex dono Bertramni de Luketone Nos autem vobis et ecclesie vestrae utiliter providere cupientes auctoritate vobis episcopali indulgemus ut licitum sit vobis eas in manus vestras retinere et earum beneficia ad proprios usus reservare ad sustentationem fratrum vestrorum et hospitum ac pauperum electis ibidem vicariis et Lincolniensi episcopo presentatis ita quidem quod vicarii aut sacerdotes qui in illis ministrabunt vicariam in ipsis obtineant Has vero omnes ecclesias et capellas et decimas et homines et terras episcopali qua fungimur auctoritate vobis et successoribus vestris in perpetuam eleemosynam concedimus confirmamus et sigilli nostri attestatione communimus salvis episcopalibus et Lincolniensis ecclesie dignitate ut iam nominata absque alicuius vexatione in pace dei et sancte ecclesie honorabiliter teneant Prohibemus vero ne quis eis ullo modo de rebus suis contumeliam vel molestiam inferat nec faciat Quod si fieri contigerit eamdem ex nostra parte inferimus sententiam quam dominus T Cantuariensis archiepiscopus et apostolice sedis legatus suis litteris sancte ecclesie dilaniatoribus infert Valete
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter