Charter Document - 01570026
Charter Number: 01570026
Cartulary Title: The Cartulary of Buckfast Abbey
Charter Language: Latin
Charter Origin: Religious
Charter Type(s): Grant
Date: 1247 - 1254
Date Type: Assigned
View Map
Cartulary Title: The Cartulary of Buckfast Abbey
Charter Language: Latin
Charter Origin: Religious
Charter Type(s): Grant
Date: 1247 - 1254
Date Type: Assigned
View Map
Charter:
Nouerint uniuersi ad quos presens scriptum peruenerit quod Ego Sarra que fui uxor Urgeleysii de Holna dedi et concessi et hac presenti carta mea confirmaui Ricardo de Ockestone totam partem meam dotis mee de Hosefenne cum omnibus pertinenciis suis Tenendam et Habendam sibi et heredibus suis siue assignatis libere quiete integre et pacifice omnibus diebus vite mee Ego uero dicta Sarra dictam partem terre de Hosefenne cum omnibus pertinenciis predicto Ricardo et heredibus suis siue assignatis contra omnes homines et feminas teneor Warantizare omnibus diebus uite mee Pro hac autem donacione et concessione et presentis carte mee confirmacione dedit michi dictus Ricardus unam marcam argenti in recognicionem In cuius rei testimonium presenti scripto sigillum meum apposui Hiis testibus Ada de Rifforde tunc maiore Exonie Johanne de Ockestona et Philippo Tinctor tunc prepositis Michaele Pollarde Waltero de Ockestona Ricardo de Cumba Godefrido Clerico et multis aliis