Charter Document - 01570031

Anno Regni Regis H[enrici] filii Regis J[ohannis] xl primo cum motum esset litigium inter Dominum Stephanum Bauceyn ex una parte et Abbatem de Bucfestria et Conuentum ex altera per diuersa breuia Domini Regis per predictum Dominum Stephanum pro se et hominibus suis tam liberis quam uillanis de eo in manerio de Holne tenentibus super noua disseysina tam liberi tenementi sui quam commune pasture et super estoverio quod idem Dominus Stephanus exigebat in bosco dicti Abbatis de Holne ad opus hominum suorum predictorum Tandem de communi amicorum consilio totum super rebus predictis ortum litigium in hac forma pacis die Sancti Clementis inperpetuum conquieuit Videlicet quod per sex homines liberos et legales ab eodem Domino Stephano electos prouisum est et ordinatum dicto Abbate pro se et Conuentu suo consenciente quod homines libere tenentes de dicto Domino Stephano in terra predicta et totidem successores sui et Alii homines sui villani et totidem successores sui quos ibidem dictus Dominus Stephanus assidere in loco ipsorum uoluerit habeant communam pasturam ad omne genus pecorum suorum propriorum exceptis capris in bosco eiusdem Abbatis de Holne quod emit de Domino Radulpho de Valle Torta Ita tamen quod pro porcis tempore pannagii quando sufficiens pannagium fuerit solvant pro quolibet porco superannato denarium unum et de minori obolum et cum fuerit minus sufficiens pannagium solvant medietatem pannagii predicti et quod homines predicti tam liberi quam uillani habeant Husbote Haybote cum necesse fuerit ad domos suas proprias emendendas et nouas faciendas per uisum et liberacionem forestarii dicti Abbatis et habeant omnes escaetas meremii prostrati ad domos suas faciendas Item unaqueque carrucata boum omnium predictorum hominum habeat singulis annis meremium ad duas carrucas cum emendacione si necesse fuerit habeant insuper singuli eorum si uoluerint annuatim meremium ad unam drayam faciendam Habeat insuper unaquoque carruca boum meremium ad carum faciendum duraturum per tres annos Item unusquisque de liberis hominibus habebit octo summas de Busca cum uno trunco ad focum suum contra natale et unusquisque de uillanis suis habebit similiter quinque summas de Busca et unum truncum et hec omnia per uisum et liberacionem forestarii dicti Abbatis Qui quidem forestarius si inuentus aliquando non fuerit uel predictam liberacionem sicut predictum est facere noluerit et hoc testimonio fide dignorum de vineto constiterit liceat eis tunc absque forestario esteuerium suum secundum formam prescriptum racionabiliter capere in bosco predicto Hac autem communa prescripta homines predicti Domini Stephani contenti erunt nec amplius absque uoluntate predicti Abbatis exigere poterunt uel habere in bosco prenominato In huius rei testimonium predictus Abbas pro se et Conuentu suo et predictus Dominus Stephanus pro se et hominibus suis huic scripto in modum Cirographi confecto sigilla sua apposuerunt