Charter Document - 01570041
Charter Number: 01570041
Cartulary Title: The Cartulary of Buckfast Abbey
Charter Language: Latin
Charter Origin: Religious
Charter Type(s): Agreement
Date: 1269 - 1270
Date Type: Internal, Feast, Regnal
View Map
Cartulary Title: The Cartulary of Buckfast Abbey
Charter Language: Latin
Charter Origin: Religious
Charter Type(s): Agreement
Date: 1269 - 1270
Date Type: Internal, Feast, Regnal
View Map
Charter:
Anno Regni Regis Henrici filii Regis Johannis Quinquagesimo quarto In purificacione Beate Marie In itinere Domini Gilberti de Prestone et Sociorum suorum apud Exoniam Ita conuenit inter fratrem Henricum Abbatem de Bucfestria et eiusdem loci Conuentum ex una parte et Johannem de Esleghe et Alienoram uxorem eius ex altera videlicet quod predicti Abbas et Conuentus tenentur solvere predictis Johanni et Alienore singulis annis quam diu dicta Alienora vixerit nouem solidos sterlingorum ad portam Bucfestrie pro dote dicte Alienore que eam contingit de duabus partibus terre illius de Sutholne quam dicti Abbas et Conuentus habent de dono domini Ricardi Bauceyn terminis subscriptis videlicet In octabis Pasce ij s iij d In octabis Natiuitatis Sancti Johannis Baptiste ij s iij d In octabis Sancti Michaelis ij s iij d et In octabis Natalis Domini ij solidos iij denarios Et si de anno in annum ad predictos terminos vel infra tota vita dicte Alienore dictus redditus non fuerit plenarie solutus Concedunt idem Abbas et Conuentus quod nuncius predictorum Johannis et Alienore singulis diebus quibus moram fecerit occasione predicti redditus non soluti post Octabas predictas habeat de Bonis suis vj denarios pro laboribus suis et expensis quousque predictum redditum persoluant Et ad hoc faciendum subiciunt se et homines suos in dictis duabus partibus terre de sut Holne manentes districcioni vicecomitis Deuonie ad ipsos distringendos per capcionem et detencionem aueriorum suorum donec predictis Johanni et Alienore de redditu predicto et pena prescripta plenarie fuerit satisfactum et quod idem vicecomes qui dictam districcionem fecerit distringat ad opus suum modo predicto pro laboribus suis unam dimidiam Marcam argenti sine contradiccione predictorum Abbatis et Conuentus In cuius rei testimonium huic scripto in modum cirographi confecto partes alternatim sigilla sua apposuerunt Hiis testibus Domino Willelmo Probo Domino Warino de Sutauille Radulpho de Linham Ricardo de Inwardleghe Johanne de Kelly Rogero Burnel et Aliis