Charter Document - 01670168
Charter Number: 01670168
Cartulary Title: The Rydeware Chartulary
Charter Language: Latin
Charter Origin: Lay
Charter Type(s): Confirmation
Date: 1245 - 1285
Date Type: Assigned
View Map
Cartulary Title: The Rydeware Chartulary
Charter Language: Latin
Charter Origin: Lay
Charter Type(s): Confirmation
Date: 1245 - 1285
Date Type: Assigned
View Map
Charter:
Quant Maut Peche fu duee de totes les tenementz et de fyz qi furent a Syr Oliver Deyncurt qe femme ele fu sy avoyt a sun donere owe les autres fyz un fyz en Haneworthe le quen fyz Edelyne tynt e fyt seute a la cour Maut Pecche a Bannestone de treys semeynes en treys semeynes et tut manere de service a ly paa apres la mort Edelyne sy descendi le herytage a Johane sor et Joan paa a lavaundyte Maut cent souz pur son relef et fyt seute et service avaunt numme Apres la mort Johane descendi le heritage a Philippe de Martone sun fytz et yl releva sa tere a lavaundyte Mand e le service fyt avaunt numme les heyres lavauntdyte Philippe sy est une Alysse et sa soer Joane et une autre Anneys qe ne sount pas de age perquey le avauntdyte Maud demaunde la garde de teres de Haneworthe dunt eles sount heyres e sount les enfauns venus de Johane qi fut fyle avaunt dyte Phelipe et ele se lessa moryr avaunt sun pere