Charter Document - 01730151

TENORE presentium patet uniuersis quod cum controuersia mota fuisset inter religiosos viros Abbatem de Whall[] cum conuentu suo rectore ecclesie de Rachedale ex parte una et Abbatem de Rupe ex altera super exactione decimarum de Hildebrighthop infra limites dicte parochie situati tandem ex consilio et ordinatione dominorum de Ryeualle et de Bildewas Abbatum judicum a capitulo ordinis generali in dicta causa datorum ex assensu quoque et voluntate dictarum partium lis in hunc modum conquieuit videl[icet] quod dictus Abbas de Rupe soluet singulis annis predicto Abbati de Whalleya vel suo certo procuratori apud Hildebrighthop xl denarios argenti et unam libram cere et unam libram thuris ad duos anni terminos videl[icet] xx denarios et unam libram cere ad festum sancti Martini in hyeme et xx denarios et unam libram thuris ad Pentecosten pro omnibus decimis garbarum de omnibus terris cultis et colendis ad dictum locum de Hildebrighthop pertinentibus ab impetratione bulle domini Bonifacij pape octaui Et quia in pactione istius conuentionis hesitatum fuit utrum decima feni cum maioribus decimis garbarum vel cum minoribus debet computari concordatum fuit per partes quod per fidelem inquisitionem rectorum et vicariorum patrie illius neutri parti suspectorum coram ordinarijs illius archidiaconatus in presentia partium dicta dubitatio derimatur Et quod in ipsa inquisitione comptum fuerit teneatur et presens compositio de decimis garbarum cum adiectione decime feni siue maioribus decimis siue minoribus prout dicta inquisitio decreuerit assignand[] post dictam inquisitionem renouetur et sigillis communibus utriusque capituli roboratur perpetuis duratura temporibus In cuius rei testimonium partes sigilla quibus utuntur isti ordinationi bipartite apposuerunt Dat[] apud Wakefeld die veneris prox[] post festum sancti Barnabe apostoli anno domini mccc decimo