utl logo
UTL Home | Ethiopia Images | Central and Inner Asia Studies

Charter Document - 01870028

Charter Number: 01870028
Cartulary Title: The Cartulary of St Mary's Collegiate Church, Warwick
Charter Language: Latin
Charter Origin: Papal
Charter Type(s): Confirmation
Date: 1157
Date Type: Internal, A.D.

map View Map
Charter:
Adrianus episcopus servus servorum Dei dilectis filiis canonicis ecclesie sancte Marie Omniumque Sanctorum de Warwic tam presentibus quam futuris canonice instituendis inperpetuum Ad hoc universalis ecclesie cura nobis est divina gratia disponente commissa ut ecclesiasticis personis auctoritate nostra tuitionis presidium largiremur quia sicut injusta petentibus nullus est tribuendus effectus ita justa desiderantium non est petitio differenda eorum presertim qui cum honestate vite et laudabili morum compositione gaudent omnipotenti Domino deservire Eapropter dilecti in Domino filii vestris justis postulationibus clementer annuimus et Warewicensem ecclesiam in qua divino mancipati estis obsequio ad exemplar sancte recordationis Eugenii pape predecessoris nostri sub beati Petri et nostra protectione suscipimus et presentis scripti privilegio communimus Statuentes ut quascumque possessiones quecumque bona memorata ecclesia sancte Marie Omniumque Sanctorum inpresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante domino potent adipisci firma vobis vestrisque successoribus et illibata permaneant Donum quoque libertatis a bone memorie Simone quondam Wigornien episcopo necnon et ab illustri viro Rogero quondam comite de Warewic predicte ecclesie sancte Marie Omniumque Sanctorum juste concessum necnon et conventionem inter vestras ecclesias et ecclesiam sancti Sepulcri de Warewic rationabiliter per manum memorati episcopi factam nichilominus confirmamus Insuper auctoritate apostolica prohibemus ut in electione decani vestri nulla ecclesiastica secularisve persona vobis vim vel violentiam inferre presumat Decernimus ergo ut nulli omnino hominum liceat personas vestras temere perturbare aut eius possessiones auferre vel ablatas retinere minuere seu imposterum angariis fatigare sed illibata omnia et integra conserventur eorum pro quorum gubernatione et sustentatione concessa sunt usibus omnimodis profuturo salva sedis apostolice auctoritate et diocesani episcopi canonica justicia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi presumptionem suam digna satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini nostri Jhesu Cristi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jhesu Cristi quatinus et hic fructum bone actionis percipiant et apud districtum judicem premia eterne pacis inveniant Amen Amen Amen Dat Lat per manum abbatis sancti Adriani diaconi cardinalis vicem domini Rolandi sancte Romane ecclesie presbyteri cardinalis et cancellarii gerentis idibus Novembris indictione vi incarnatione Dominice anno MCLVII pontificatus vero domini Adriani pape iiii anno tertio
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter