utl logo
UTL Home | Ethiopia Images | Central and Inner Asia Studies

Charter Document - 01870048

Charter Number: 01870048
Cartulary Title: The Cartulary of St Mary's Collegiate Church, Warwick
Charter Language: Latin
Charter Origin: Religious
Charter Type(s): Confirmation
Date: 1164 - 1179
Date Type: Assigned

map View Map
Charter:
Rogerius Dei gratia Wigorn episcopus universis sancte matris ecclesie filiis in Domino salutem Quoniam ad nostre pondus sollicitudinis spectat quatinus ea que ad utilitatem et pacem ecclesiarum nostrarum statuta sunt nostre auctoritatis munimine inviolata permaneant ideo nos vestigiis bone memorie Simonis episcopi predecessoris nostri inherentes que ad utilitatem et pacem ecclesie sancte Marie de Warewic ab ipso sunt statuta et a Rogerio quondam comite Warwici concessa necnon eta domino archiepiscopo Cantuar roborata sicut carte eorum testantur nichilominus nostra episcopali auctoritate concedimus et imperpetuum confirmamus et sigilli nostri impressione communimus Videlicet ut clerici ecclesie Omnium Sanctorum de Warewic propter importunitatem castelli in quo sita est in predicta ecclesia sancte Marie que ad honorem ipsius Virginis et omnium sanctorum consecrata est cum ceteris clericis eiusdem ecclesie more canonicorum et concessa sibi libertate Deo et sancte Marie imperpetuum famulentur item ut et ipsi clerici habeant in eadem ecclesia sancte Marie capitulum et fraternam congregationem et decanum quem sibi fraterna et canonica eliget deliberatio et easdem libertates et consuetudines quas Londoniensis gaudet habere ecclesia aut Lincolniensis vel Salesberiensis aut alia talis institutionis ecclesia item ut nullus in eadem ecclesia potestatem aliquam vel alicuius prebende investituram sibi vendicare presumat nisi per licentiam decani vel alicuius ex sua parte communicato prius fratrum consilio Preterea ad tenacisa memorie firmitatem et nostre confirmationis recordationem dignum duximus in scripti nostri pagina possessiones vocabulis subnotare que adjacere ecclesie sancte genetricis et Omnium Sanctorum de Warr dinoscuntur et sicut carta Simonis episcopi predecessoris nostri testatur Hec sunt ecclesia sancti Nicholai ecclesia sancti Laurentii cum x acris terre [] ut antea in confirmatione dicti Simonis que sic incipit Simon Dei gratia Hiis testibus Haymone abbate de Bordeslia Rogero capellano domini regis et Safredo eius medico et magistro eius clerico Rogero et Gisleberto capellano nostro et Sansone clerico nostro
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter