utl logo
UTL Home | Ethiopia Images | Central and Inner Asia Studies

Charter Document - 01951297

Charter Number: 01951297
Cartulary Title: Canterbury 1162-1190 Volume 2
Charter Language: Latin
Charter Origin: Religious
Charter Type(s): Confirmation
Date: 1186
Date Type: Assigned

map View Map
Charter:
B dei gratia Cantuariensis archiepiscopus totius Anglie primas et apostolice sedis legatus universis Christi fidelibus ad quos presentes littere pervenerint eternam in domino salutem Cum ad officii nostri pertineat sollicitudinem circa pacem subditis nostris conservandam operam et diligentiam exibere eos et eorum possessiones propensiori benignitatis studio debemus protegere qui se artioris religionis voto noscuntur obligasse Nos igitur dilectas filias nostras moniales de Etton ordinem Fontis Ebraldi professas sub nostra protectione in securo statu et tranquilla pace permanere volentes possessiones quas fidelium in subsidium religionis pia eis devotio rationabiliter contulit et episcopalis auctoritas canonice confirmavit auctoritatis nostre patrocinio dignum duximus communire De quibus quasdam propriis nominibus censuimus exprimendas ex dono illustris Anglorum regis Henrici secundi ecclesiam de Chalton cum omnibus pertinentiis suis ex dono et concessione Roberti prioris et conventus de Kinilewurde ecclesiam de Hodnilla ex dono Ricardi Wintoniensis episcopi et concessione David de Armentariis ecclesiam de Burgeleya ex dono Radulfi de Turri ecclesiam de Burgton cum omnibus pertinentiis suis ex dono Willelmi comitis Gloec ecclesiam sancti Gregorii de Sudbiria cum omnibus ad eam pertinentibus ex dono Gervasii Painelli ecclesiam de Waltham ex dono Ricardi filii Nigelli ecclesiam de Mureslay cum omnibus pertinentiis suis ex dono Arnoldi de Bosco ecclesiam de Claybrok cum omnibus pertinentiis suis ex dono Roberti de Craft ecclesiam de Merton cum omnibus pertinentiis suis Ut autem donationes et concessiones memoratis monialibus a predictis viris facte firmam et perpetuam habeant stabilitatem easdem sicut rationabiliter et canonice facte sunt auctoritate qua fungimur confirmamus et sigilli nostri appositione communimus Hiis testibus Willelmo Glowec magistro P Blesensi Bathon archidiaconis magistro Radulfo de Sancto Martino Iohanne de Exonia Gileberto filio Willelmi Galfrido Forti et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter