utl logo
UTL Home | Ethiopia Images | Central and Inner Asia Studies

Charter Document - 01951298

Charter Number: 01951298
Cartulary Title: Canterbury 1162-1190 Volume 2
Charter Language: Latin
Charter Origin: Religious
Charter Type(s): Confirmation
Date: 1161 - 1184
Date Type: Assigned
Resource Link(s): Reference Document for this Embedded Document
map View Map
Charter:
B dei gratia episcopus Exoniensis omnibus ad quos presens carta pervenerit in Christo salutem Noverit universitas vestra quod Willelmus episcopus tercius predecessor noster sicut ex carta ipsius et ex testimonio multorum cognovimus dedit et concessit ecclesie beati Petri Plimton a sexaginta solidos de prebenda cuiuscumque canonici Exoniensis ecclesie sive defuncti sive ad ordinem religionis conversi Hanc vero donationem successor eius bone memorie Robertus episcopus ratam habuit et carta sua confirmavit Insuper de dono liberalitatis sue intuitu pietatis viginti solidos superaddidit ut deinceps Plimton ecclesia in obitu cuiuscumque canonici Exoniensis ecclesie sive in conversione eius ad religionem quatuor libras de prebenda ipsius canonici quatuor terminis quibus prebende reddi solent percipere debeat Robertus vero secundus pie recordationis episcopus predictam donationem quatuor librarum ratam habuit et carta sua confirmavit Nos vero que a predecessoribus nostris venerabilibus episcopis rite facta sunt perpetua stabilitate permanere volentes memoratam donationem iiii librarum Plimton ecclesie assensu capituli nostri presenti carta et impressione sigilli nostri ut inconcussa permaneat confirmamus Teste capitulo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter