utl logo
UTL Home | Ethiopia Images | Central and Inner Asia Studies

Charter Document - 01960330

Charter Number: 01960330
Cartulary Title: Acta of Hugh of Wells, Bishop of Lincoln, 1209-1235
Charter Language: Latin
Charter Origin: Religious
Charter Type(s): Grant
Date: 1230
Date Type: Internal, Calendar, Episcopal

map View Map
Charter:
Omnibus Cristi fidelibus ad quos presens scriptum pervenerit Hugo Dei gratia [Lincolniensis episcopus salu]tem in domino Noverit universitas vestra nos intuitu Dei de assensu et voluntate dilectorum filiorum Willelmi decani et capituli nostri Linc[] concessi[sse et dedisse] et hac presenti carta nostra confirmasse dilectis in Cristo filiis monialibus de Stodleg decimas subscriptas in parochia ecclesie de Beckel que de earum advocatione est per proprios servientes suos colligendas et in communes usus earum nomine beneficii perpetui convertendas simul cum minutis decimis de curia earundem scilicet decimas garbarum quinque hydarum terre de feodo dominorum de Sancto Walerico in villa de Horton cum decimis feni spectantibus ad easdem quinque hydas item decimas tertie ga[rbe] duaram hydarum de dominicis que fuerunt Roberti de Bosco et Iohannis filii Alexandri in villa de Esses cum decimis feni spectantibus ad easdem suas hydas item omnes decimas garbarum unius carucate terre quam dicte moniales hactenus excoluerunt de assartis in eadem villa de Esses ita quod si dicte moniales decetero aliquod novum assartum in parochia predicta redegerint in culturam solvant inde decimas ecclesie memorate salvis in omnibus episcopalibus consuetudinibus et Lincoln ecclesie dignitate Quod ut perpetuam optineat firmitatem presenti scripto sigillum nostrum una cum sigillo predicti capituli nostri duximus apponendum Hiis testibus magistris Willelmo de Beningwrd Amaurico de Bugeden et Ricardo de Wendover Willelmo de Wynchecumb Ricardo de Oxon et Thoma de Askeby canonicis Linc Roberto de Bollesover capellano magistro A de Arundell et Galfrido de Morys clericis Actum apud Middelton quarto kalendas Decembris pontificatus nostri anno vicesimo primo
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter