utl logo
UTL Home | Ethiopia Images | Central and Inner Asia Studies

Charter Document - 01960407

Charter Number: 01960407
Cartulary Title: Acta of Hugh of Wells, Bishop of Lincoln, 1209-1235
Charter Language: Latin
Charter Origin: Religious
Charter Type(s): Grant
Date: 1233
Date Type: Internal, Calendar, Episcopal

map View Map
Charter:
Omnibus Cristi fidelibus ad quos presens scriptum pervenerit Hugo Dei gratia Lincoln[] episcopus salutem in domino Noverit universitas vestra nos venerabili in Cristo fratri nostro domino Ioscelino Bath[] episcopo [et cui] assignare voluerit concessisse dedisse et presenti carta nostra confirmasse custodiam terre de Crumbwell[] que fuit Radulfi de Crumbwell[] senioris et est de feodo nostro et custodiam Radulfi de Crumbwell[] iunioris filii scilicet et heredis predicti Radulfi et maritagium eiusdem heredis per consilium amicorum suorum et ubi non disparagetur habend[] et tenend[] cum predicta terra et omnibus pertinentiis libertatibus et liberis consuetudinibus suis integre quiete et pacifice quousque idem Radulfus iunior ad legitimam pervenerit etatem Et si de eo interim humanitus contigerit quod Deus avertat concessimus et presenti carta nostra confirmavimus eidem domino fratri nostro et cui assignare voluerit custodiam sororum ipsius heredis filiarum scilicet predicti Radulfi senioris que non fuerint legitime etatis et maritagium earundem ubi non disparagetur habend[] et tenend[] ut predictum est donec ad legitimam pervenerint etatem ad convertendum per manus ipsius domini episcopi et assignatorum suorum quicquid inde ceperint in usus et emendationem hospitalis Well[] Concessimus insuper et presenti carta nostra confirmavimus eidem domino episcopo fratri nostro et cui assignare voluerit custodiam terre de Tunrig[] que fuit Willelmi de Dyva senioris habendam et tenendam integre quiete et pacifice cum omnibus pertinentiis libertatibus et liberis consuetudinibus suis quousque Willelmus de Dyva iunior heres [predicti Willelmi] ad legitimam pervenerit etatem Et si de eo infra etatem contigerit humanitus concessimus et presenti carta nostra confirmavimus eidem domino episcopo fratri nostro et cui assignare voluerit custodiam Alicie sororis sue cum predicta terra et omnibus pertinentiis suis ut predictum [est] habendam et tenendam integre quiete et pacifice donec legitime fuerit etatis ad convertendum per manus ipsius episcopi et assignatorum suorum quicquid inde ceperint in usus et emendationem hospitalis Well[] supradicti In predictorum igitur robur et testimonium presenti scripto sigillum nostrum apposuimus Hiis testibus Waltero thesaurario Lincoln[] Warino de Kirketun[] et Roberto de Bolesour[] capellanis Radulfo de Warevill[] et Willelmo de Wynchecumb[] magistris Waltero de Wermenistr[] et Ricardo de Wendour[] et Thoma de Askeby canonicis Lincoln[] Giliberto de Treylli senescallo nostro Iohanne de Crakehal[] et Stephano de Lond[] clericis Dat[] per manum nostram apud Parcum Stowe tertio kalendas Iunii pontificatus nostri anno vicesimo quarto
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter