Charter Document - 02060144

Universis presentes litteras inspecturis frater Hugo miseratione divina titulo sancte Cecilie presbiter cardinalis salutem et notitiam rei geste Humani generis innimicus zizania in agro Domini superseminare non cessans non solum inter laicos verum etiam inter ecclesiasticas personas calliditate astuta facit interdum contentiones et odia pululare ac litigia suscitari procurat sic quod questiones et materie jurgiorum insurgunt et in judicium deducuntur Expedit ergo ut sano caritatis consilio illius obvietur malitie ac resecatis causarum prolixitatibus littibus finis celeriter imponatur Sane dudum inter venerabilem patrem episcopum ex una parte et religiosos viros abbatem et conventum monasterii Sancti Martini Eduensis ordinis Sancti Benedicti ex altera orta materia questionis super eo quod idem episcopus in eisdem abbate ac monasterio visitationem correctionem procurationem necnon alia jura episcopalia se habere dicebat abbate et conventu eisdem inficiantibus omnia supradicta dicto episcopo Cum dominus papa venerabili patri domino J titulo Sancti Laurentii in Lucina presbitero cardinali causam hujusmodi commississet deinde idem dominus ad supplicationem partium ordinandi statuendi ac disponendi inter partes easdem super premissis que utilitati videremus ipsarum partium expedire nobis plenam concessit potestatem Nos igitur attendentes quod magis expedit ut causa premissa via ordinationis provide potius quam judicii severitate et cum eorumdem partium dispendio terminetur de mandato domini pape speciali habito consilio sapientum ordinamus statuimus et disponimus quod vacante pro tempore monasterio ipso conventus ejusdem post liberam electionem [] Et hec omnia prout superius sunt expressa de consensu et voluntate dictorum episcopi decani et capituli et dictorum archidiaconi et archipresbiteri abbatis et conventus Sancti Martini Eduensis prout nobis constat evidenter statuimus disposuimus ac etiam ordinavimus In cujus rei testimonium et perpetuam firmitatem presentibus litteris sigilli nostri apposuimus firmamentum Datum Viterbii VII kalendas julii pontificatus domini Alexandri pape quarti anno tertio