utl logo
UTL Home | Ethiopia Images | Central and Inner Asia Studies

Charter Document - 02060149

Charter Number: 02060149
Cartulary Title: Cartulaire de l'Evêché d'Autun
Charter Language: Latin
Charter Origin: Religious
Charter Type(s): Foundation
Date: 1287
Date Type: Internal, A.D.
Resource Link(s): Archives départementales de Saône-et-Loire - G 443 (p.93)
map View Map
Charter:
Universis presentes litteras inspecturis ego Arnulphus de Muresello presbiter curatus ecclesie parochialis de Auceyo prope Muresellum Eduensis dyocesis notum facio quod ego cogitans de supremis volens insuper anime mee providere dum vacat de consensu et auctoritate reverendi patris domini Hugonis Dei gratia Eduensis episcopi fundo et edifico in ecclesia mea de Auceyo predicta quoddam altare in honore omnipotentis Dei et beati Michaelis statuens ut quidam sacerdos altari deserviat et ibidem pro remedio anime mee et antecessorum meorum tres missas qualibet ebdomada unam videlicet de Sancto Spiritu aliam de beata et gloriosa Virgine et alteram pro defunctis celebrare salubriter perpetuo teneatur pro quibus etiam do et concedo in puram et perpetuam elemosinam supradicto altari necnon et sacerdoti ibidem pro tempore deservienti ac predictas tres missas ibidem qualibet ebdomada ut dictum est celebranti quamdam vineam meam quam de novo acquisivi a domino Hugone de Chavigni presbitero curato Sancti Martini versus Sanctum Jangulfum sitam in vineto seu finagio de Auceyo inter vineam domini Guillermi dicti lou au Rouge de Marrigneo militis ex una parte et vineam domini Hugonis dicti Bouchart de Sancto Romano militis ex altera ita videlicet quod presentatio ad me Radulphum predictum pertineat quamdiu vixero in humanis volens etiam quod post decessum meum dictum altare una cum supradicta vinea aliisque juribus appendiciis et pertinenciis ejusdem altaris dictus dominus episcopus Eduensis ac successores sui qui pro tempore fuerint conferant pro sue libite voluntatis In cujus rei testimonium sigillum meum proprium litteris presentibus appono rogans predictum reverendum patrem dominum Hugonem episcopum Eduensem ut ipse ad majorem rei memoriam roburque perpetue veritatis sigillum suum una cum meo litteris presentibus apponat Et nos prefatus Hugo Dei gratia Eduensis episcopus notum facio universis presentes litteras inspecturis quod nos premissa et singula volentes et concedentes in quantum nobis est confirmantes ad supplicationem et rogatum dicti Radulphi sigillum nostrum una cum sigillo suo litteris presentibus apponimus in testimonium hujus rei Datum et actum anno Domini MCC octogesimo VII mense martio
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter